បង្រ្កាបក្រុមក្មេងទំនើង ដែលតែងតែបង្កអសន្តិសុខ

កណ្តាល៖ ក្រុមក្មេងទំនើងដែលតែងតែ បង្កអសន្តិសុខត្រូវបាន បង្ក្រាបមួយក្រុម ហើយកំពុងតែស្រាវជ្រាវស្វែងរកចាប់ ក្រុមដែលគេចខ្លួន ។

ករណី លួចមានស្ថានទម្ងន់ទោស (កាប់ប្លន់យកម៉ូតូ) កើតហេតុនៅថ្ងៃទី២១/០១/២០២១
វេលាម៉ោង០២និង៣៥នាទីយប់ ចំណុច:ផ្លូវលេខ២១ ភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល។

ជនរងគ្រោះ១នាក់៖ ឈ្មោះស៊ឹម ស្រីណែត ភេទស្រី អាយុ២៩ឆ្នាំ ជនជាតិខ្មែរ ទីលំនៅ ភូមិសំប៉ានក្រោម ឃុំព្រែកអំបិល ស្រុកស្អាងខេត្តកណ្តាល មុខរបរ បុគ្គលិកក្រុមហ៊ុន។

ជនសង្ស័យ៥នាក់៖
១-ឈ្មោះឈឿន សុខណា ហៅមាន់ ភេទប្រុស អាយុ២១ឆ្នាំ ជនជាតិខ្មែរ ទីលំនៅ ភូមិសំបុកចាប ឃុំត្រេីយស្លា ស្រុកស្អាង ខេត្តកណ្តាល, មុខរបរ:មិនពិតប្រាកដ (ឃាត់ខ្លួន)។

២-ឈ្មោះលីលាង សុខសាន្ត ភេទប្រុស អាយុ១៨ឆ្នាំជនជាតិខ្មែរទីលំនៅ ភូមិបុរីកម្មករ សង្កាត់ទឹកថ្លា ខណ្ឌសែនសុខ រាជធានីភ្នំពេញ,មុខរបរ:មិនពិតប្រាកដ(ឃាត់ខ្លួន)។
៣-ឈ្មោះណន រ៉ៃយុ ភេទប្រុស អាយុ២១ឆ្នាំជនជាតិខ្មែរ
ទីលំនៅ:ភូមិរការលេី ឃុំខ្ពប ស្រុកស្អាង ខេត្តកណ្តាល,មុខរបរ មិនពិតប្រាកដ(គេចខ្លួន)។
៤-ឈ្មោះខន សឹងហាក់ ភេទប្រុស អាយុ២១ឆ្នាំ
ទីលំនៅ:ភូមិព្រែកតាប្រាក់ ឃុំតាលន់ ស្រុកស្អាង ខេត្តកណ្តាល,មុខរបរ មិនពិតប្រាកដ(គេចខ្លួន)។
៥-ឈ្មោះលី មករា ភេទប្រុស អាយុ២៦ឆ្នាំ
ទីលំនៅ:ភូមិព្រែកតាប្រាក់ ឃុំតាលន់ ស្រុកស្អាង​ ខេត្តកណ្តាល,មុខរបរ ជាងជួសជុលម៉ូតូ(គេចខ្លួន)។

សម្ភារបាត់បង់ ផ្លាកលេខម៉ូតូចំនួន១ដែលមានលេខភ្នំពេញ1HV.7435 ។

វត្ថុតាងចាប់យក៖
1-ម៉ូតូ១គ្រឿងម៉ាកHONDA SCOOPY-iពណ៌ស សេរីឆ្នាំ២០២០ ពាក់ផ្លាកលេខភ្នំពេញ1HV.7435(របស់ជនរងគ្រោះ) ។
2-ម៉ូតូម៉ាកEXCITERពណ៌ខ្មៅចំនួន១គ្រឿងគ្មានផ្លាកលេខ(មិនប្រក្រតីរបស់ជនសង្ស័យជិះធ្វេីសកម្មភាពរកឃេីញនៅកន្លែងលាងម៉ូតូរបស់ឈ្មោះលី មករា)។
3-ផ្លាកលេខម៉ូតូចំនួន១ដែលមានលេខកណ្តាល1H.4238 (រកឃេីញនៅកន្លែងលាងម៉ូតូរបស់ឈ្មោះលី មករា)។
4-ដែកប្រាំមួយជ្រុងចុងស្រួចសំប៉ែតចំនួន១(រកឃេីញនៅផ្ទះរបស់ឈ្មោះលី មករា)។
5-ដាវដែកដងឈេីចំនួន១ប្រវែង៧០ស.ម(រកឃេីញនៅកន្លែងលាងម៉ូតូរបស់ឈ្មោះលី មករា)។

សភាពនៃរឿងហេតុ ៖ នៅវេលាកេីតហេតុខាងលេី ជនរងគ្រោះបានជិះម៉ូតូដូចមានភិនភាគខាងលេីតែម្នាក់ឯងចេញពីធ្វេីការនៅភ្នំពេញដេីម្បីត្រឡប់ទៅផ្ទះវិញលុះជិះដល់កន្លែងកេីតហេតុខាងលេីស្រាប់តែមានជនសង្ស័យចំនួន៤នាក់ជិះម៉ូតូពីរគ្រឿងមិនចាំម៉ាកជិះតាមពីក្រោយកៀរម៉ូតូជនរងគ្រោះអោយចូលកៀនហេីយកាន់ដាវយារស្រែកសំឡុតរកកាប់ជនរងគ្រោះអោយប្រគល់ម៉ូតូអោយ ជនរងគ្រោះភ័យក៏ប្រគល់ម៉ូតូអោយទៅជនសង្ស័យ ពេលបានម៉ូតូហេីយ ក្រុមជនសង្ស័យបាននាំគ្នាជិះម៉ូតូគេចខ្លួនឆ្ពោះទៅទិសខាងត្បូងបាត់ទៅ។

បន្ទាប់មកជនរងគ្រោះបានទៅប្តឹងសមត្ថកិច្ចប៉ុស្តិ៍នគរបាលរការខ្ពស់ដេីម្បីជួយអន្តរាគមន៍ ដោយម៉ូតូរបស់ជនរងគ្រោះភ្ជាប់ប្រពន្ធGPS សមត្ថកិច្ចបានធ្វេីការស្រាវជ្រាវតាមរហូតដល់ម្តុំសំណង់១២ស្ថិតក្នុងខណ្ឌទួលគោកទេីបចាប់ឃាត់ខ្លួនបានពីររួមទាំងវត្ថុតាងបញ្ជូនបន្តមកកាន់អធិការដ្ឋាននគរបាលក្រុងតាខ្មៅដេីម្បីធ្វេីការសាកសួរចាត់ការតាមនីតិវិធីនៃច្បាប់ ៕