នគរបាលខណ្ឌឬស្សីកែវ ជនសង្ស័យ ២នាក់ នជាមួយថ្នាំញៀនជាច្រើនកញ្ចប់

ភ្នំពេញ ៖ នៅថ្ងៃទី៥ ខែកុម្ភៈ ឆ្នាំ២០២២ វេលាម៉ោង១៧ និង ៣០នាទី កំលាំងជំនាញខណ្ឌបានធ្វើការបង្ក្រាបជាក់ស្ដែងករណីជួញដូរដោយខុសច្បាប់នូវសារធាតុញៀន ត្រង់ចំណុច ផ្លូវលេខ៥ ក្រុម៤ ភូមិខ២ សង្កាត់ច្រាំងចំរេះ២ ខណ្ឌឫស្សីកែវ រាជធានីភ្នំពេញ។

លោក ហ៊ាង ថារ៉េត បានបញ្ជាក់ថា ក្នុងប្រតិបត្តិការបង្ក្រាបករណីចែកចាយថ្នាំញៀននេះ ជាលទ្ធផលកំលាំងជំនាញខណ្ឌ បានធ្វើការឃាត់ខ្លួន ជនសង្ស័យចំនួន០២នាក់ ។ ទី១/ឈ្មោះ ទីន រនី ភេទ ប្រុស អាយុ ៣៥ឆ្នាំ ជនជាតិ ខ្មែរអុីស្លាម មានទីលំនៅ ភូមិខ២ សង្កាត់ច្រាំងចំរេះ២ ខណ្ឌឬស្សីកែវ រាជធានីភ្នំពេញ មុខរបរ មិនពិតប្រាកដ។ ទី២/ឈ្មោះ សុះ សាឡេះ ភេទប្រុស អាយុ ៣៨ ជនជាតិ ខ្មែរអុីស្លាម មានទីលំនៅ ផ្ទះជួល ភូមិខ២ សង្កាត់ច្រាំងចំរេះ២ ខណ្ឌឬស្សីកែវ រាជធានីភ្នំពេញ មុខរបរកម្មករ ។

ជាមួយគ្នានេះ កម្លាំងនគរបាលខណ្ឌ បានដកហូតវត្ថុតាង រួមមាន ៖ ក្រាមពណ៍សថ្លាសង្សយ័ជាគ្រឿងញៀន ចំនួន ០៧កញ្ចប់ (ជារបស់ជនសង្ស័យឈ្មោះ ទី រនី), ម៉ូតូ ០១ គ្រឿងម៉ាក Msx ពណ៍ខ្មៅ ពាក់ស្លាកលេខ កំពុងស្ពឺ 1D-4403 ។

ចំពោះមុខកំលាំងជំនាញខណ្ឌ កំពុងក៏សាងសំណុំរឿង បញ្ជូនទៅសាលាដំបូងរាជធានីភ្នំពេញ ដើម្បីអនុវត្តន៍តាមនីតិវិធី ៕