សិស្សប្រឡងជាប់ជ័យលាភី និទ្ទេសA ៣០៧នាក់ ក្នុងខេត្តកែប ទទួលរង្វាន់ម៉ូតូ ពីអាជ្ញាធរ ផ្ដល់ការលើកទឹកចិត្ដ

កែប៖ សិស្សប្រឡងជាប់ជ័យលាភីនិទ្ទេស A ទាំងបីរូបនៅក្នុងខេត្តកែប ទទួលបានរង្វាន់ម៉ូតូ Honda Dream សេរី២០២២ ម្នាក់មួយគ្រឿង ពីលោកកិត្តិសេដ្ឋាបណ្ឌិត ចម ប្រសិទ្ធ ទេស រដ្ឋមន្ត្រី រដ្ឋមន្រ្តីក្រសួងឧស្សា ហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ សមាជិកគណៈកម្មាធិការកណ្ដាល និងជាប្រធានក្រុមការងារគណបក្សចុះមូលដ្ឋានខេត្តកែប ។ កាលពីរសៀលថ្ងៃទី១៣ កុម្ភៈ ២០២២ ។

ការផ្ដល់រង្វាន់ម៉ូតូនេះធ្វើឡើង ក្នុងចន្លោះកិច្ចប្រជុំ ផ្សព្វផ្សាយរបាយការណ៍ ស្ដីពី សភាពការណ៍ទូទៅ និងការងារគណបក្ស ឆ្នាំ២០២១ និងលើកទិសដៅភារកិច្ចឆ្នាំ២០២២ របស់គណៈកម្មាធិការកណ្តាល និងពិធី ជួបសំណេះសំណាលតាមប្រព័ន្ធ អនឡាញ Zoom ជាមួយលោកគ្រូអ្នកគ្រូ និងប្អូនៗសិស្សានុសិស្ស ដែលជាប់ជ័យលាភី ក្នុងសម័យប្រឡង ថ្ងៃទី២៧ ខែធ្នូ ២០២១ កន្លងទៅក្រោមអធិបតីភាព លោក ចមប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ។

បើតាមរបាយការណ៍ស្វាគមន៍របស់ លោក ងួន ច័ន្ទសុជាតា ប្រធានមន្ទីរអប់រំយុវជន និងកីឡាខេត្ត បញ្ជាក់ថាៈ ខេត្តកែប មានមណ្ឌលប្រឡងពីរ ស្មើនឹង ១៥បន្ទប់ ដែលមានសិស្សប្រឡងសរុប ៣០៧នាក់ ស្រី ១៦៣នាក់ ហើយសិស្ស ដែលបានប្រឡងជាប់សរុប ២៦០ នាក់ ស្រី ១៤៤នាក់ ស្មើនឹង ៨៧,៨៦% ក្នុងនោះសិស្សប្រឡងជាប់និទ្ទេសA ចំនួន៣នាក់ ស្រី២នាក់ និទ្ទេសB ១១នាក់ ស្រី ៤នាក់ និទ្ទេសC ៦០នាក់ និទ្ទេសD ៩០នាក់ និងនិទ្ទេសE ៩៥នាក់ ។

មានប្រសាសន៍សំណេះសំណាល ទៅកាន់ប្អូនៗ សិស្សានុសិស្សដែលទើបប្រឡងជាប់ មធ្យមសិក្សាទុតិយភូមិ នាពេលនោះ ឯកឧត្តម បណ្ឌិត ចម ប្រសិទ្ធ ទេសរដ្ឋមន្ត្រី បានលើកឡើងថា លទ្ធផលដែលប្អូនៗទទួលបាន នាពេលនេះ កើតចេញពីការខិតខំប្រឹង ប្រែង រៀនសូត្ររបស់ប្អូនៗផ្ទាល់ និងការយកចិត្តទុកដាក់បង្ហាត់បង្រៀន របស់ លោកគ្រូ ព្រមទាំងការជំរុញ ដាស់តឿន ក្រើនរំលឹករបស់មាតា បិតា អាណាព្យាបាលផងដែរ ទន្ទឹមនិង នេះការខិតខំរបស់រាជរដ្ឋាភិបាល ក្នុងការថែរក្សាបាននូវ សុខសន្តិភាពនិងធ្វើ​ការអភិវឌ្ឍន៍ លើគ្រប់វិស័យ ពិសេសវិស័យអប់រំយុវជន និងកីឡា ដែលកំពុងធ្វើកំណែទម្រង់ ជាបន្តបន្ទាប់ ។

កត្តាទាំងនេះបានផ្តល់ឱកាសដល់ប្អូនៗក្នុងការអភិវឌ្ឍន៍ខ្លួនឯង ដើម្បីក្លាយខ្លួន ជាអ្នកបន្តវេន ប្រកបដោយគុណភាព ក្នុងការអភិវឌ្ឍន៍ប្រទេសយើង ឱ្យកាន់តែរីក ចម្រើនខ្លាំងក្លាថែមទៀត។

សូមបញ្ជាក់ថា៖ ការប្រគល់អំណោយនេះ ប្រព្រឹត្តឡើង ក្រោមវត្តមានផ្ទាល់របស់លោក ជំទាវ ចម និមល រដ្ឋលេខាធិការក្រសួងពាណិជ្ជកម្ម និងជាអនុប្រធានក្រុមការងារ គណបក្សចុះមូលដ្ឋានខេត្តកែប តំណាងដ៏ខ្ពង់ខ្ពស់ ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ប្រធានក្រុមការងារគណបក្សចុះមូលដ្ឋានខេត្តកែប ដែលអំណោយទាំងនោះរួមមាន៖
-សិស្សនិទ្ទេសA ៣នាក់ ម្នាក់ ៗម៉ូតូHonda Dream សេរី ២០២២ មួយគ្រឿង ។ និទ្ទេស B ១១នាក់ ទទួលបាន កុំព្យូទ័រ Laptop ម្នាក់មួយគ្រឿងនិងផ្ដល់ជូន ថវិកាជូនលោកគ្រូអ្នកគ្រូ ក្នុងម្នាក់១០០ដុល្លារអាមេរិក ផងដែរ៕. សំរិត