សមត្ថកិច្ច ស្រុកកណ្តាលស្ទឹង ចាប់ឆក់កាបូបលុយ ពីរនាក់
កណ្តាល : សមត្ថកិច្ចស្រុកកណ្តាលស្ទឹង បានអោយដឹងថា : នៅវេលាម៉ោ ០៧:៣០នាទី ព្រឹកថ្ងៃទី ១៦ កុម្ភ:ឆ្នាំ២០២២ នៅចំណុច ភូមិ ព្រៃតាតូច ឃុំ បឹងខ្យាង ស្រុក កណ្ដាលស្ទឹង ខេត្ត កណ្ដាល មាន ជនរងគ្រោះ ម្នាក់ ឈ្មោះ មិន ស្រីទូច ភេទ ស្រី អាយុ ៣៧ ឆ្នាំស្នាក់នៅភូមិ កណ្តឹងតូច ឃុំ កណ្តឹង ស្រុក បាទី ខេត្ត តាកែវ មុខរបរ លក់ដូរ ត្រូវបាន ជនសង្ស័យ ចំនួន ០២នាក់ បានធ្វើសកម្មភាព ឆក់ កាបូប ដែលមានឈ្មោះ :
១.ឈ្មោះ ឈាង ឬទ្ធា ភេទ ប្រុស អាយុ ១៥ឆ្នាំមានទីលំនៅភូមិ គោកឃ្លាង សង្កាត់ ភ្នំពេញថ្មី ខណ្ឌ សែនសុខ រាជធានីភ្នំពេញ ។ មុខរបរ សិស្ស សាលាហ៊ុនសែនភ្នំពេញថ្មី(ឃាត់ខ្លួន)
២.ឈ្មោះ ហ៊ាង ប៊ុនហាក់ ភេទ ប្រុស អាយុ ១៦ ឆ្នាំមានទីលំនៅភូមិ គោកឃ្លាង សង្កាត់ ភ្នំពេញថ្មី ខណ្ឌ ទួលគោក រាជធានីភ្នំពេញ។ មិនពិតប្រាកដ(ឃាត់ខ្លួន)។
សមត្ថកិច្ចបានដកហូតវត្ថុតាងរួមមាន
-ម៉ូតូ ០១គ្រឿង ម៉ាកHonda Dream C125 ស៊េរីឆ្នាំ ២០២២ ពណ៌ ខ្មៅ គ្មាន ស្លាកលេខ។
-កាបូបដៃដាក់លុយ ពណ៌ ខ្មៅចំនួន ០១
-អត្តសញ្ញាណប័ណ្ណថតចម្លង ០១ សន្លឹក (ឈ្មោះ ទូច សំណាង)
-ប័ណ្ណចាក់វ៉ាក់សាំងកូវីត ១៩ ០១ សន្លឹក(ឈ្មោះ ទូច សំណាង
-ប័ណ្ណសម្គាល់យានយន្ត ០១ សន្លឹក
-កាបូបក្រវាត់ចង្កេះ ចំនួន ០១ (របស់ជនរងគ្រោះ)
-លុយដុល្លារចំនួន ៣១៨ ដុល្លារ(របស់ជនរងគ្រោះ)
-លុយខ្មែរចំនួន ១.១២១.០០០ រៀល(របស់ជនរងគ្រោះ)
-ទូរស័ព្ទដៃ OPPO ០១ គ្រឿងពណ៌ ទឹកប្រាក់(របស់ជនរងគ្រោះ)។
សមត្ថកិច្ចបានបញ្ជាក់បន្ថែមថា : នៅវេលាកើតហេតុខាងលើ ជនសង្ស័យឈ្មោះ ឈាង ឬទ្ធា បានជិះម៉ូតូមួយគ្រឿងខាងលើចេញពីផ្ទះរបស់ខ្លួន ទៅយកបក្ខពួកម្នាក់ទៀតឈ្មោះ ហ៊ាង ប៊ុនហាក់ដែលនៅភូមិជាមួយគ្នា ពេលជិះមកដល់ផ្ទះរបស់ឈ្មោះ ហ៊ាង ប៊ុនហាក់ ជនសង្ស័យឈ្មោះឈាង ឬទ្ធា បានអោយឈ្មោះ ហ៊ាង ប៊ុនហាក់ បេីកម៉ូតូហើយខ្លួនពីរក្រោយ ដោយប្រាប់ថាយកលេ ទៅអោយគេនៅម្ដុំរង្វង់មូលគួរស្រូវ ហេីយឈ្មោះ ហ៊ាង ប៊ុនហាក់ បានបេីកម៉ូតូឆ្ពោះមកវង្វង់គួរស្រូវ រួចជិះហួសមកទិសខាងត្បូងតាមបណ្ដោយផ្លូវជាតិលេខ២ រហូតដល់ហួសផ្សារដើមអំពិល ឃុំ បឹងខ្យាង បានឃើញជនរងគ្រោះខាងលេីជិះម៉ូតូតែម្នាក់ឯងនឹង មានកាបូបលុយដាក់ជាប់នឹងចង្កេះ ភ្លាមនោះជនសង្ស័យទាំងពីរនាក់បានបត់ម៉ូតូជិះតាមពីក្រោយហេីយធ្វើសកម្មភាពឆក់កាបូបលុយរបស់ជនរងគ្រោះ បេីកម៉ូតូរត់គេចខ្លួនមកទិសខានជេីង តែត្រូវជនរងគ្រោះជិះម៉ូតូដេកតាមពីក្រោយហេីយស្រែកថាចោរៗ ពេលនោះកំម្លាំងប្រជាការពារ និងកម្លាំងប៉ុស្តិ៍នគរបាលរដ្ឋបាលឃុំបឹងខ្យាងហៅតាមវិទ្យុទាក់ទងអោយជួយស្ទាក់ រហូតដល់ចំណុចភូមិ តាដោលទី ឃុំ អំពៅព្រៃ ជនសង្ស័យបានផ្តួលម៉ូតូចោលរួចរត់គេចខ្លួនតាមវាលស្រែ រហូតដល់ចំណុចភូមិ ស្វាយព្រៃ ឃុំ កណ្តោក ទេីបកម្លាំងប្រជាការពារ និង កម្លាំងប៉ុស្តិ៍នគរបាលរដ្ឋបាលឃុំ កណ្តោកចាប់ឃាត់ខ្លួនបាន រួចបញ្ជូនមកកាន់អធិការដ្ឋាននគរបាលស្រុកកណ្តាលស្ទឹង ដេីម្បីកសាងសំណុំរឿងតាមនីតិវិធីច្បាប់៕
