កម្លាំងគណៈបញ្ជាការ ឯកភាពខណ្ឌប្ញស្សីកែវ ចុះបង្ក្រាបបើក លេងល្បែងស៉ីសងខុសច្បាប់ តាមប្រព័ន្ធអ៉ីនធើណែត មួយកន្លែង នៅសង្កាត់ស្វាយប៉ាក
ភ្នំពេញ៖នៅថ្ងៃទី១៩ ខែកុម្ភៈ ឆ្នាំ២០២២ កម្លាំងគណៈបញ្ជាការឯកភាពរដ្ឋបាលខណ្ឌប្ញស្សីកែវ ក្រោមការដឹកនាំបញ្ជាពី លោក ឯក ឃុនដឿន ជាប្រធាន និងជាអភិបាលខណ្ឌ បានចុះបង្ក្រាបបើកលេងល្បែងស៉ីសងខុសច្បាប់ តាមប្រព័ន្ធអ៉ីនធើណែត មួយកន្លែង នៅសង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។
កម្លាំង បានឃាត់ខ្លួន មនុស្សប្រុសស្រី ០៨ នាក់ (ស្រី០៥នាក់) ព្រមទាំង បានដកហូត សម្ភារៈរួមមាន៖ កុំព្យូទ័រ ១៧ គ្រឿង ម៉ូតូ ៥ គ្រឿង ម៉ាស៉ីនព្រីនធើ ៣ គ្រឿង ទូរទស្សន៍ ៣ គ្រឿង ធុងចាប់រង្វាន់ ០១ និង ប្រាក់ ២១០,០០រៀល ។
កម្លាំងខណ្ឌបាននាំខ្លួនជនសង្ស័យ និងវត្ថុតាង ទៅអធិការដ្ឋាននគរបាលខណ្ឌ ដេីម្បីអនុវត្តតាមនីតិវិធីជាបន្ត៕
