កូនប្រមឹកម្នាក់ ខឹងសុំឪពុកម្តាយយកប្លង់ដី ទៅបញ្ចាំដើម្បីទិញម៉ូតូ មុនបាន ដុត កម្ទេចផ្ទះមួយខ្នងចោល
ខេត្តកំពង់ឆ្នាំង ៖ កូនប្រុសប្រមឹកម្នាក់ បានទៅសុំយកប្លង់ដីម្ដាយឪពុកយកទៅបញ្ចាំដើម្បីទិញម៉ូតូ ប៉ុន្តែម្ដាយឪពុកមិនឱ្យ ក៏កើតចិត្តខឹង ដុត ឆេះផ្ទះអស់ទាំងស្រុង។
ផ្ទះមួយខ្នងធ្វើអំពីឈើប្រក់ស្លឹក ជញ្ជាំងស្លឹក ក្រាលរនាបឫស្សីមានទំហំ៤ម៉ែត្រគុណនឹង៥ម៉ែត្រ ត្រូវភ្លើងឆេះអស់ទាំងស្រុងដែល ហេតុការណ៍នេះបានកើតឡើងកាលពីម៉ោង៣និង៣០នាទីរសៀលថ្ងៃទី១១ ខែកញ្ញា ឆ្នាំ២០១៨ នៅភូមិសេរី ឃុំខុនរ៉ង ស្រុកបរិបូណ៌។
សមត្ថកិច្ចនគរបាលមូលដ្ឋាន បានឲ្យដឹងថា ជនសង្ស័យជាកូន ឈ្មោះលឹង ឆើត អាយុ២៩ឆ្នាំ មានម្តាយឈ្មោះលឹង ហាន អាយុ៦១ឆ្នាំ និងឪពុកឈ្មោះព្រំ សំណាង អាយុ៥៦ឆ្នាំ។
កូនប្រុសដែលជាជនប្រមឹកម្នាក់នេះ បានទៅសុំយកប្លង់ដីពីម្ដាយឪពុក យកទៅបញ្ចាំ ដើម្បីទិញម៉ូតូ ប៉ុន្តែម្ដាយឪពុកមិនឱ្យ ក៏កើតចិត្តខឹង ហើយបានយកធាងត្នោត ងាប់ៗចំនួន៣ធាង មកបង្កាត់ភ្លើងដុត បណ្ដាលឱ្យឆេះផ្ទះអស់ទាំងស្រុង ។
ប្រភពដដែលបានបន្តថា យុវជនខាងលើផឹកស្រា ជារៀងរាល់ថ្ងៃមិនបានជួយរកស៊ីអ្វីនោះទេ និងបានបំផ្លាញទ្រព្យសម្បត្តិឪពុកម្តាយជាច្រើន ។ លើកនេះបែកគំនិតសុំប្លង់ដីឪពុកម្តាយយកទៅបញ្ចាំមិនបាន ក៏កើតចិត្តខឹងដុតផ្ទះ។
កម្លាំងប្រជាការពារ បានឃាត់ខ្លួនជនសង្ស័យវាយខ្នោះដៃ ប្រគល់ទៅឲ្យសមត្ថកិច្ច ផ្ដន្ទាទោស ទៅតាមផ្លូវច្បាប់ ៕
