ខណ្ឌចំការមន និង ខណ្ឌបឹងកេងកងចុះ បំពេញការងារសង្គម ក្នុងមូលដ្ឋានធ្វើសណ្ដាប់ធ្នាប់ និងបាញ់ទឹកលាងសម្អាតផ្លូវថ្នល់ទាំងយប់ទាំងថ្ងៃ..!

ភ្នំពេញ៖កាលពីយប់ថ្ងៃទី២៨ខែកុម្ភះនិងព្រឹកថ្ងៃទី០១មិនាឆ្នាំ២០២២នេះកម្លាំងសមត្ថកិច្ចអាជ្ញាធរមូលដ្ឋាន២ខណ្ឌគឺខណ្ឌបឹងកេងកង និង ខណ្ឌចំការមននៃរាជធានីភ្នំពេញដោយចុះសម្រុកបំពេញការងារសង្គមនៅក្នុងមូលដ្ឋានទាំងយប់ទាំងថ្ងៃដោយរៀបចំធ្វើសណ្ដាប់ធ្នាប់តាមដងផ្លូវ ដងវិថី និង បាញ់ទឹកលាងសម្អាតផ្លូវនិង ថ្មទ្រូងផ្លូវក្នុងមូលដ្ឋានខ្លួនគ្រប់គ្រងរៀងៗខ្លួនអោយមានអនាម័យ បរិស្ថានបានល្អប្រសើរផងដែរពោលគឺមិនប៉ះពាល់ដល់សុខភាពអ្នកធ្វើដំណើរតាមមធ្យោបាយនានាពេលឆ្លងកាត់ភូមិសាស្រ្តខណ្ឌ២ខាងលើ។
លោកថេង សុថុល អភិបាលខណ្ឌចំការមន និង លោកធឹម សំអាន អភិបាលខណ្ឌបឹងកេងកង នៃរាជធានីភ្នំពេញ បានមានមតិលើកឡើងស្រដៀងៗគ្នាថាដោយបានដឹកនាំក្រុមការងារខណ្ឌនិងកម្លាំង សណ្ដាប់ធ្នាប់ប្រជាការពារខណ្ឌរៀងៗខ្លួនដោយបាន ចុះបំពេញការងារសង្គមក្នុងមូកដ្ឋាន ពោលគឺបោសសម្អាតបាញ់ទឹកលាងសម្អាតផ្លូវ និង ចុះរៀបចំធ្វើសណ្ដាប់ធ្នាប់តាមដងផ្លូវអោយ មានរបៀបរៀបរយបានល្អប្រសើរ នៅក្នុងភូមិសាស្ត្រខណ្ឌចំការមន និង ខណ្ឌបឹងកេងកងនៃរាជធានីភ្នំពេញ។
ជានិច្ចកាលចំពោះសកម្មភាពការងារខាងលើនេះ ដោយមានការយកចិត្តទុកដាក់ពីសំណាក់លោក ថេង សុថុល អភិបាល នៃគណៈអភិបាលខណ្ឌចំការមន និង លោកធឹម សំអាន អភិបាលខណ្ឌបឹងកេងកងដោយ បានដឹកនាំកម្លាំងសណ្ដាប់ធ្នាប់ខណ្ឌរបស់ខ្លួនរៀងខ្លួនដើម្បីបាញ់ទឹកលាងសម្អាតផ្លូវនិងធ្វើសណ្ដាប់ធ្នាប់ តាមដងផ្លូវនៅក្នុងភូមិសាស្ត្រខណ្ឌចំការមននិងខណ្ឌបឹងកេងកង។ដូចនេះយើងរួមដៃគ្នាសម្អាតអនាម័យក្នុងមូលដ្ឋាន អោយបានល្អប្រសើរពោលគឺទីក្រុងស្អាតគឺផ្ដើមឡើង ពីយើងទាំងអស់គ្នាដោយមិនអោយមាន សំរាមជ្រុះធ្លាក់ដល់ដីខណ្ឌចំការមននិងខណ្ឌបឹងកេងកងកាន់តែប្រពៃ៕