សព្វាវុធទំនើបៗ២ បស់អាមេរិក និងសម្ព័ន្ធមិត្ត បានដល់អ៊ុយក្រែន
បរទេស ៖ មន្ត្រីការពារជាតិជាន់ខ្ពស់ សហេដ្ឋអាមេរិក បានប្រាប់ថា ភាគច្រើននៃកញ្ចប់ជំនួយ សន្តិសុខដែលថវិកា សរុបចំនួន $350លាន ត្រូវបានបញ្ជូនទៅ ដល់ប្រទេសអ៊ុយក្រែន ក្នុងរយៈពេលមួយសប្តាហ៍ បន្ទាប់ពីត្រូវបានអនុម័ត ជាផ្លូវការដោយសេតវិមាន។ កញ្ចប់ថវិកាប្រហែល 240លានដុល្លារ បានទៅដល់អ៊ុយក្រែនហើយ។
សហរដ្ឋអាមេរិក ក៏បាននិងកំពុង សម្របសម្រួលការផ្តល់ជំនួយផ្នែកសន្តិសុខ ពីប្រទេសផ្សេងទៀតផងដែរ។ ប្រទេសសរុបចំនួន 14 បានចូលរួមចំណែក ផ្តល់ជំនួយផ្នែកសន្តិសុខ ដល់អ៊ុយក្រែន ចាប់តាំងពីការឈ្លានពានរបស់រុស្ស៊ី។
ទីបញ្ជាការអឺរ៉ុប (EUCOM) កំពុងប្រើប្រាស់បណ្តាញ ទំនាក់ទំនងរបស់ខ្លួន ជាមួយសម្ព័ន្ធមិត្ត និងដៃគូ ដើម្បីសម្របសម្រួល ក្នុងពេលជាក់ស្តែង ដើម្បីបញ្ជូនសម្ភារៈយោធា ទៅកាន់អ៊ុយក្រែន៕
