លោកយាយម្នាក់អាយុ១១៨ឆ្នាំ រស់នៅខេត្តឧត្តរមានជ័យ បបានទទួលការចាក់វ៉ាក់សាំងកូវីដ-១៩ពីក្រុមគ្រូពេទ្យ ដូចបំណងហើយ
មណ្ឌលគិរី៖ ក្រោយពីទទួលព័ត៍មានថា មានលោកយាយម្នាក់អាយុ១១៨ឆ្នាំ នៅខេត្តឧត្តរមានជ័យ ចង់ចាក់វ៉ាក់សាំងកូវីដ-១៩ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការ និងជាប្រធានគណកម្មការចំពោះកិច្ចចាក់វ៉ាក់សាំងកូវីដ-១៩ក្នុងក្របខណ្ឌទូទាំងប្រទេស (គ.វ.ក-១៩) បានចាត់ចែងធ្វេីការស្វែងរកលោកយាយនៅខេត្តឧត្តរមានជ័យ តែមានព័ត៍មានថាលោកយាយធ្វេីដំណេីរទៅរសលនៅខេត្តក្រចេះ ហេីយក៏តាមស្វែងរកលោកយាយបន្តទៀត ទីបញ្ចប់ ក្រុមគ្រូពេទ្យខេត្តក្រចេះ បានរកគាត់ឃេីញនៅកោះញែក ខេត្តមណ្ឌលគីរី ដោយលោកយាយបានទៅរស់នៅជាមួយកូនទីនោះ។
នៅព្រឹកថ្ងៃអាទិត្យ ទី១០ ខែមេសា ឆ្នាំ២០២២ ក្រុមគ្រូពេទ្យខេត្តមណ្ឌលគីរី ក៏បានស្ពាយយកវ៉ាក់សាំងកូវីដ-១៩ ទៅចាក់ជូនលោកយាយតាមបំណងប្រាថ្នារបស់លោកយាយរួចរាល់ហេីយដែរ។
លោកជំទាវរដ្ឋលេខាធិការសូមសំដែងអំណរសាទរជូនលោកយាយ និងសូមគោរពជូនពរលោកយាយ សូមលោកយាយមានសុខភាពល្អ ទទួលបានពរជ័យសិរីសួស្តី សេចក្តីសុខចម្រេីន ពីទេវត្តាឆ្នាំថ្មី និងចៀសផុតពីជំងឺដង្កាត់ផ្សេងៗ ជាពិសេសចៀសផុតពីជំងឺកូវីដ-១៩។
