កម្លាំងនគរបាលប្រឆាំង បទល្មើសសេដ្ឋកិច្ច បង្ក្រាបរថយន្តសាំងយ៉ុងដឹកឈើខុសច្បាប់
កំពង់ស្ពឺ ៖ ក្រោមបញ្ជាដឹកនាំផ្ទាល់ពីលោកឧត្ដមសេនីយ៍ទោ សម សាមួន ស្នងការនគរបាលខេត្ដកំពង់ស្ពឺ នៅវេលាម៉ោង០២និង០០នាទី នាយប់ ថៃ្ងទី០១ ខែឧសភា ឆ្នាំ២០២២ នៅចំណុចភូមិត្រពាំងអង្គ្រង ឃុំត្រពាំងជោ ស្រុកឱរ៉ាល់ កម្លាំងងនគរបាល ប្រឆាំងបទល្មើស សេដ្ឋកិច្ច សហការជាមួយកម្លាំងនគរបាល នៃអធិការដ្ឋានស្រុកឱរ៉ាល់ បានធ្វើការស្រាវជ្រាវ និងឃាត់រថយន្តម៉ាកសាំងយ៉ុង ពព៌ស ផ្លាកលេខ ភ្នំពេញ 2H-6592 ០១គ្រឿង ដឹកឈើអារប្រភេទចម្រុះ ពិនិត្យ គ្មានលិខិត អនុញ្ញាតិ ដឹកជញ្ជូនអនុផលព្រៃឈើ។
វត្ថុតាងពិនិត្យជាក់ស្ដែងរកឃើញមាន ឈើអារ ប្រភេទចម្រុះប្រមាណ ៤០សន្លឹក រីឯអ្នកបើកកបរពេលសមត្ថកិច្ចប្រតិបត្ដិការបានរត់គេចខ្លួន កំពុងបន្ដស្រាវជ្រាវ ។
បច្ចុប្បន្ន ដោយបានគោលការណ៍ដឹកនាំពីជំនាញ សមត្ថកិច្ច បានបញ្ជូនរថយន្ត រួមជាមួយវត្តុតាងខាងលើ យកមករក្សាទុកបណ្ដោះអាសន្ននៅស្នងការដ្ឋាននគរបាលខេត្ដកំពង់ស្ពឺ ដើម្បីប្រគល់ជូនជំនាញរដ្ឋបាលព្រៃឈើបន្តនីតិវិធី៕
