នគរបាលខណ្ឌឬស្សីកែវ ស្រាវជ្រាវតាមកាមេរ៉ាសុវត្ថិភាព ឈានទៅឃាត់ខ្លួនជនសង្ស័យលួចម៉ូតូ ២នាក់

ភ្នំពេញ ៖ នគរបាលខណ្ឌឬស្សីកែវ ស្រាវជ្រាវតាមកាមេរ៉ាសុវត្ថិភាព ឈានទៅឃាត់ខ្លួនជនសង្ស័យលួចម៉ូតូ ២នាក់ កាលពីថ្ងៃទី២៩ ខែឧសភា ឆ្នាំ២០២២ វេលាម៉ោង២០និង៣០នាទី នៅចំណុចមុខហាងតារា BBQ ផ្លូវ៩០៧ ក្រុមទី៨ ភូមិទួលសង្កែ សង្កាត់ទួលសង្កែទី១ ខណ្ឌឫស្សីកែវ ។

លោក ហ៊ាង ថារ៉េត អធិការខណ្ឌ បានអោយដឹងថា ជនរងគ្រោះឈ្មោះ យ៉ាន ធាវី ភេទស្រី អាយុ៣០ឆ្នាំ មានទីលំនៅផ្ទះលេខ៩៧ ផ្លូវ៩៩ ក្រុមទី៨ ភូមិទួលសង្កែ សងា្កត់ទួលសងែ្ក១ ខណ្ឌឫស្សីកែវ មុខរបរលក់ដូរ ។

ចំណែកជនសង្ស័យ ទី១-ឈ្មោះ ធីម តាំងលីម ភេទប្រុស អាយុ ៣៤ឆ្នាំ មុខរបរមិនពិតប្រាកដ មានទីលំនៅស្នាក់បន្ទប់ជួលនៅក្រុមទី៤ ផ្លូវលំ ភូមិទួលសងែ្ក សង្កាត់ទួលសង្កែទី១ ខណ្ឌឬស្សីកែវ (មានសារធាតុញៀន)។

២-ជនសង្ស័យឈ្មោះ ណុប ដារ៉ា ភេទប្រុស អាយុ១៩ឆ្នាំមុខរបរមិនពិតប្រាកដ មានទីលំនៅស្នាក់បន្ទប់ជួល ផ្លូវលំ ភូមិទួលសងែ្ក សង្កាត់ទួលសង្កែទី១ ខណ្ឌឬស្សីកែវ (មានសារធាតុញៀន)។

ក្នុងនោះ សមត្ថកិច្ច បានដកហូត ម៉ូតូ០១គ្រឿងម៉ាក់ស្កូបពីពណ៍ស សា្លកលេខភ្នំពេញ1 DE-0472 (របស់ជនរងគ្រោះបានប្រគល់ជូនមា្ចស់វិញ) ។  ហើយម៉ូតូ១គ្រឿងម៉ាកPCXពណ៍ខ្មៅផ្លាកលេខភ្នំពេញ1CB-9249 (ជារបស់ជនសង្ស័យ) ។

សមត្ថកិច្ច បញ្ជាក់ថា នៅថ្ងៃ ខែ ឆ្នាំ វេលាម៉ោងកើតហេតុខាងលើ ជនរងគ្រោះបានទុកម៉ូតូមុខហាង ភ្លេចដកកូនសោម៉ូតូ ហើយដើរចូលហាងបាត់ មានជនសង្ស័យ ចំនួន០២នាក់ បានជិះម៉ូតូមួយគ្រឿង ម៉ាក PCX មកឈប់មុខហាងឃើញឱកាសល្អ បានធ្វើសកម្មភាពលួចម៉ូតូជនរងគ្រោះបានសំរេចរួចគេចខ្លួនបាត់។

ក្រោយមកជនរងគ្រោះបានមកដាក់ពាក្យបណ្តឹងនៅប៉ុស្តិ៍ក្រោយទទួលបណ្តឹងសមត្ថកិច្ចបានធ្វើការស្រាវជ្រាវឈានធ្វើការឃាត់ខ្លួន បានជនសង្ស័យចំនួន០២នាក់ រួមទាំងវត្ថុតាង នៅចំណុចផ្លូវ៩៣ ភូមិចុងខ្សាច់ សង្កាត់ទួលសង្កែទី១ វេលាម៉ោង២៣៖០០នាទី នាំមកប៉ុស្តិ៍ធ្វើការសាកសួរ និងចាត់ការតាមនិតិវិធី ៕