នគរបាលខណ្ឌមានជ័យ ប្រជុំជួរត្រួតពិនិត្យកម្លាំង ការពារកន្លែងបោះឆ្នោត ថ្ងៃស្អែកនេះ

ភ្នំពេញ៖កាលព្រឹកថ្ងៃទី០៤ ខែមិថុនា ឆ្នាំ២០២២ នេះលោកឧត្តមសេនីយ៍ត្រី គល់ យី ស្នងការរងនគរបាលរាជធានីភ្នំពេញ ទទួលដឹកនាំនៅអធិការដ្ឋាននគរបាលខណ្ឌមានជ័យ .លោកវរសេនីយ៍ឯក ប៊ុន សត្យានាយការិយាល័យព្រហ្មទណ្ឌកំរិតស្រាល .លោកវរសេនីយ៍ឯក លន់ មុន្នីរ័ត្ន នាយការិយាល័យបច្ចេកទេស វិទ្យាសាស្រ្ត .លោកវរសេនីយ៍ទោ រុឹម មុិច នាយការិយាល័យប្រឆាំងគ្រឿងញៀន និង លោកវរសេនីយ៍ទោ អ៊ុក បូនីន​ អធិការនគរបាលខណ្ឌមានជ័យ បានប្រជុំជួរដោយត្រួតពិនិត្យកម្លាំងដើម្បីការពារកន្លែងទីតាំងបោះឆ្នោត ជ្រើសរើសសង្កាត់អាណត្តិទី៥ឆ្នាំ២០២២.២០២៧ ដេីម្បីផ្សព្វផ្សាយផែនការ និងធ្វេីការណែនាំបន្ថែម អំពីការបំពេញតួនាទីភារកិច្ចរបស់ខ្លួនឲ្យបានល្អប្រសើរ ក្នុងការការពារនៅតាមការិយាល័យ បោះឆ្នោតនិមួយៗក្នុងមូលដ្ឋានខណ្ឌមានជ័យដេីម្បីធានាឲ្យបាននូវសន្តិសុខ សុវត្ថិភាព សណ្តាប់ធ្នាប់ពេលបោះឆ្នោតឲ្យកាន់តែល្អ ប្រសើរក្នុងឱកាសបោះឆ្នោតដែលប្រព្រឹត្តទៅនាថ្ងៃអាទិត្យ ទី០៥ ខែមិថុនា ឆ្នាំ២០២២ ស្អែកនេះ៕