អ្នកប្រដាល់បារាំងជូ លៀនប្រកាសជម្រះបញ្ជីជាមួយនន់ ជំនិត
ភ្នំពេញ:អ្នកប្រដាល់បារាំងជូ លៀន(Julien)ដែលធ្លាប់ប្រកួតចាញ់អ្នកប្រដាល់កម្ពុជានន់ ជំនិតក្លិបស្វាយរលំ ឬទ្ធិជ័យនោះគេមិនបានអស់ចិត្តឡើយ នៅយប់ថ្ងៃទី២២កញ្ញាគេនឹងធ្វើដំណើរតាម យន្តហោះមកប្រកួតសងសឹកវិញ
នៅសង្វៀនអាស៊ីអាគ្នេយ៍ដដែល ។
អ្នកប្រដាល់បារាំងរូបនេះធ្លាប់មកប្រកួតនៅស្រុកខ្មែរ២-៣ដងហើយគេជាអ្នកប្រដាល់ថ្មីទេតែគេវ៉ៃមិនអន់ឡើយពិសេសបច្ចេកទេសកណ្ដាប់ដៃ ។ មានអ្នកប្រដាល់វ័យចំណាស់កម្ពុជា២-៣នាក់ហើយដែលប្រកួតចាញ់អ្នកប្រ
ដាល់បារាំងរូបនេះ ឯ ជំនិតជាអ្នកប្រដាល់វ័យចំណាស់មែន តែគេនៅវ៉ៃបានល្អនិង រហ័សពិសេសកម្លាំងរបស់គេនៅមិន ទាន់ស្រុតច្រើននោះទេ ។
ជំនិតមានប្រវត្តិប្រកួតចំនួន៧៥ដង ឈ្នះ៥៨ដង ចាញ់១៥ដង និងស្មើពិន្ទុ២ដង ។គេជាអ្នកប្រដាល់ដែលមាន កណ្ដាប់ដៃរហ័ស ជង្គង់វ៉ៃចេញស្រួចល្អ និង ចំគោលដៅមិនតែប៉ុណ្ណោះគេពូកែការពារណាស់ ។
ជូ លៀនគេប្រើកណ្ដាប់ដៃ និងទាត់បានល្អ ធ្ងន់តែអ្នកប្រដាល់រូបនេះ អន់ជើងក្រោមខ្សោយពោះ ប៉ុន្ដែការពារបានល្អ ។គេមានប្រវត្តិប្រកួតចំនួន៣៨ដង ឈ្នះ៣១ដង និងចាញ់៧ដង ។ជំនួបលើកនេះនរណាជាអ្នកឈ្នះនោះនៅមិន ទាន់ថាបាននៅឡើយទេ ។
ឌុម កែវដាក្លិបម្កុដរាជសីហ៍ប្រកួតជាមួយអ្នកប្រដាល់ថៃយ៉ត ភីត(Yorth Phit)ដោយប្រកួតគ្នាក្នុងប្រភេទ ទម្ងន់៦៣,៥០គីឡូក្រាម ។
កែវដាពេលនេះគេស្រុតចុះខ្លាំងណាស់នេះ ទំនងជាគេមិនសូវហ្វឹកហាត់ ហើយមើលទៅ ។ ការប្រកួតភាគ ច្រើនគេជួបបរាជ័យ និងត្រូវគូប្រកួតវ៉ៃឲ្យសន្លប់ និងរបួស ។ចំពោះយ៉ត ភីតវិគេទើបតែផ្ដួលអ្នកប្រដាល់កម្ពុជាឈ្មោះ ឈឿន ឆៃដែនក្លិបនិរោធន៍មានជ័យឲ្យសន្លប់នៅទឹកទី ២ ។
យ៉ត ភីតមានប្រវត្តិប្រកួតចំនួន៨៩ដង ឈ្នះ៧៤ដង និងចាញ់១៥ដង ។អាចនិយាយបានថាកំពស់របស់គេ ស្ទើរជាងកែវដាបន្តិចមែន តែអ្នកប្រដាល់ថៃរូបនេះវ៉ៃចេញបានល្អណាស់ ។សង្ឃឹមថាកែវដាឈ្នះ ក្នុងការប្រកួតនេះទៅចុះ ៕