អ្នកបើកបរប្រហែសជាងងុយដេក បើករថយន្តកុងតឺន័រ ក្រឡាប់លើផ្លូវជាតិលេខ៤

កំពង់ស្ពឺ ៖ នៅថ្ងៃព្រហស្បតិ ទី០៧ ខែកក្តដា ឆ្នាំ២០២២ វេលាម៉ោង០៣ និង ១៣នាទី នៅលើផ្លូវជាតិលេខ៤ ចន្លោះគីឡូម៉ែត្រ ៦៦-៦៧ត្រង់ចំណុចភូមិត្រពាំងអត់ទឹក ឃុំគីរីវន្ត ស្រុកភ្នំស្រួច ខេត្តកំពង់ស្ពឺ មានរថយន្ត០១ គ្រឿងម៉ាក FREIGHT LINER ពណ៌ក្រហម ពាក់ផ្លាកលេខ ភ្នំពេញ 3D-1607 សណ្ដោងសឺមីរ៉ុម៉ក ពាក់ស្លាក ភ្នំពេញ 4A-0281 អ្នកបើកបរមិនស្គាល់ឈ្មោះ ?

រថយន្តធ្វើចរាចរណ៍ ពីទិសខាងលិចទៅទិសខាងកើត ដល់ចំណុចខាងលើបានរេចង្កូតបណ្ដាលឱ្យក្រ ឡាប់ដោយខ្លួនឯង តាមសាក្សីដែលបានឃើញហេតុការណ៍ខាងលើបញ្ជាក់ថា មុនរថយន្ដក្រឡាប់ អ្នកបើកបរប្រហែសជាងងុយដេក ដោយរថយន្ដរេម្ដងឆ្វេងម្ដងស្ដាំរួចក៏បានជួបហេតុការណ៍នេះតែម្ដង។

រថយន្តខូចខាតយ៉ាងធ្ងន់ធ្ងរ ចំពោះករណីខាងលើនេះ មន្រ្ដីសមត្ថកិច្ចនគរបាលចរាចរណ៍ស្រុកភ្នំស្រួច បានកំពុងចាត់ការសម្រួលចរាចរណ៍នៅចំណុចកើតហេតុ និងទំនាក់ទំនងរកមធ្យោបាយរថយន្ដស្ទួចខ្នាតធំយកមកស្ទួចចេញពីលើដងផ្លូវ ដើម្បីកុំឱ្យ ការកកស្ទះចរាចរណ៍៕