ឃាត់ខ្លួននគរបាលប៉ុស្តិ៍បឹងកេងកង២ ដែលផ្ទុះអាវុធបាញ់ចំនួន០៣គ្រាប់

ភ្នំពេញ ៖ ករណី ផ្ទុះអាវុធ(បាញ់ចំនួន០៣គ្រាប់)នៅថ្ងៃទី ៣១ខែ កក្កដា ឆ្នាំ ២០២២ វេលាម៉ោង២១,០០នាទី ត្រង់ចំណុចផ្លូវ៩៩ក្រុមទី៧ ភូមិបឹងសាឡាង សង្កាត់ឬស្សីកែវ ខណ្ឌឫស្សីកែវ រាជធានីភ្នំពេញ។

ជនបង្កឈ្មោះ អ៊ុយ ហ៊ាង ភេទប្រុស អាយុ៣៩ឆ្នាំ ជនជាតិខ្មែរ មានទីលំនៅផ្ទះលេខF11ភូមិក្រោលគោ សង្កាត់គីឡូម៉ែតលេខ៦ ខណ្ឌឬស្សីកែវ រាជធានីភ្នំពេញ មុខរបរ នគរបាលប៉ុស្តិ៍បឹងកេងកង២ ។

សំភារៈដកហូតរួមមានៈ អាវុធខ្លីមួយដើមម៉ាក ប្រាក់ហា ពណ៍ខ្មៅ។

មុនពេលកើតហេតុនៅថ្ងៃខែឆ្នាំវេលាមោ៉ងចំណុចកើតហេតុខាងលើ ជនសង្ស័យបានផឹកស៊ីក្នុងហាងកាហ្វេ មានគ្នា០៤នាក់អស់ស្រាបៀ ចំនួន២កេះ ស្រវឹងបានចេញមកផ្ទះ ស្រាប់តែមានរថយន្ត១គ្រឿង មិនស្គាល់ម៉ាកជិះមកជិតជនសង្ស័យបានបាញ់ ចំនួន០៣គ្រាប់ឡើងលើ ភ្លាមៗនោះកំលាំងព្រហ្មទណ្ឌខណ្ឌ ល្បាតបានលឺសំលេងផ្ទុះអាវុធ បានចុះមកធ្វើការអន្តរាគមន៍ឃាត់ខ្លួន បានជនសង្ស័យ០១នាក់ រួមទាំងវត្ថុតាងអាវុធខ្លី យកមកសួរនាំនៅអធិការដ្ឋានឬស្សីកែវ៕