អ្នកសារព័ត៍កម្ពុជាប្រមាណ៣០នាក់ទទួលចំណេះដឹង ពីក្រសួងព័ត៍មានវៀតណាម
ក្រុម អ្នកសារព័ត៌មានអាជីពកម្ពុជា នៃស្ថាប័នរដ្ឋប្រមាណ៣០នាក់ មកពីមន្ទីរតាមបណ្តាខេត្ត មានវិទ្យុ ទូរទស្សន៍ អ្នករាយការណ៍ព័ត៍មាន បានមកទទួលចំណេះដឹងផ្នែកព័ត៍ ពីក្រសួងព័ត៍មាននិងផ្សព្វផ្សាយវៀតណាម ដើម្បី លើកកំពស់សមត្ថភាព ក្នុងព្រឹតិកាណ៍រាយណ៍ធំៗឲ្យបានកាន់លឿន និងល្អ។
ក្នុងវគ្គបណ្តុះបណ្តាលជំនាញវិជ្ជាជីវៈសរសេរព័ត៍ដល់អ្នកព័ត៍មានកម្ពុជា នៅទីក្រុងហូជីមិញ ប្រទេសវៀតណាម កាលពីព្រឹកថ្ងៃទី២៤ កញ្ញាឆ្នាំ ២០១៨
លោក ង្វៀន វ៉ាន់ហ៊ីវ អគ្គនាយករងនៃអគ្គនាយកដ្ឋានព័ត៌មាន នៃក្រសួងព័ត៌មាន និងផ្សព្វផ្សាយវៀតណាម បានលើកឡើងថា វគ្គបណ្ដុះបណ្ដាលនាថ្ងៃនេះ ធ្វើឡើងក្នុងគោលបំណង ពង្រឹង និងពង្រីកកិច្ចសហប្រតិបត្តិការរវាងប្រទេសទាំងពីរនិង បានផ្លាស់ប្តូរបទពិសោធន៍នៃការសរសេរព័ត៌មានរបស់អ្នកកាសែតកម្ពុជា និងវៀតណាម។ ម្យ៉ាងទៀតវាជាការចូលរួមផ្លាស់ប្តូរយោបល់បទពិសោធន៍ នៃការសរសេរព័ត៍រវាងអ្នកកាសែតកម្ពុជា និងអ្នកកាសែតវៀតណាម ក៍ដូចក្រសួងព័ត៍មានកម្ពុជានិងក្រសួងព័ត៍មាន និងផ្សព្វផ្សាយវៀតណាម ឲ្យកាន់តែល្អបន្ថែមទៀត
លោកបន្ថែមថា វគ្គបណ្ដុះបណ្ដាលនេះ ធ្វើឡើងតាមរយៈក្រសួងព័ត៍មាន កម្ពុជានិងក្រសួងព័ត៍មាននិងផ្សប្វផ្សាយវៀតណាម បានចុះអនុស្សរណៈជាមួយគ្នាតាំងពីឆ្នាំ២០១៦ ដល់ឆ្នាំ២០២០ ដើម្បី ពង្រឹងជំនាញអ្នកសារព័ត៍មានកម្ពុជាឲ្យកាន់តែខ្លាំង ។
លោកជឿរជាក់ថា ក្រោយវគ្គបណ្ដុះបណ្ដាលនេះ អ្នកសារព័ត៌មានកម្ពុជា នឹងកាន់តែមានសមត្ថភាពក្នុងការសរសេរ និងរាយការណ៍ព័ត៌មាន ពីព្រឹត្ថិការណ៍ផ្សេងៗ ឲ្យកាន់តែមានភាពល្អប្រសើរជាងមុន ដែលនឹងអាចឈានទៅបំរើបាននូវប្រយោជន៍ជាសាធារណៈដល់ប្រជាពលរដ្ឋទូទៅ។
លោក ងឿន ច័ន្ទលីន ប៉ូឡែន អគ្គនាយករងរដ្ឋបាល និងហិរញ្ញវត្ថុ នៃក្រសួងព័ត៍មាន បានលើកឡើងថា វគ្គបណ្ដុះបណ្ដាលនេះ នឹងអាចផ្ដល់ជាអត្ថប្រយោជន៍ថ្មីបន្ថែមមួយទៀត សម្រាប់បង្កើននូវចំណេះដឹងវិជ្ជាជីវៈសារព័ត៌មាន ក្នុងសម័យទំនើបជីឌីថល ពិសេសរបៀបនៃការសរសេរនូវអត្ថបទព័ត៌មាន ឲ្យកាន់តែ ឆាប់រហ័ស និងល្អជាងមុន។
គួរបញ្ជាក់ថា៖ នេះគឺជាលើកទី២ហើយ ដែលក្រុមអ្នកសារព័៍ត៍មាន កម្ពុជាទទួលបានវគ្គបណ្តុះបណ្តាយពីក្រសួងព័ត៍មាន និងផ្សព្វផ្សាយវៀតណាម វគ្គនេះមានរយៈពេល៥ថ្ងៃចាប់ថ្ងៃទី២៤ ដល់២៨កញ្ញាឆ្នាំ២០១៨៕ 24/09/18 អត្ថបទ អ៊ួង សាវុធ
