អភិបាលខណ្ឌដង្កោជំរុញ អោយកងកម្លាំងសណ្តាប់ធ្នាប់ទាំងអស់ ត្រូវចូលរួមពង្រឹងការងារសន្តិសុខនៅក្នុងមូលដ្ឋាន

ភ្នំពេញ៖នៅថ្ងៃទី១២ ខែសីហា ឆ្នាំ២០២២ រដ្ឋបាលខណ្ឌដង្កោ បានរៀបចំពិធីសំណេះសំណាលជាមួយកម្លាំងសណ្តាប់ធ្នាប់ខណ្ឌ ក្រោមអធិបតីភាពលោកស្រី គឹម ញឹប អភិបាលខណ្ឌដង្កោ។

ក្នុងពិធីនេះដែរលោកស្រីអភិបាលខណ្ឌដង្កោបានជំរុញអោយកងកម្លាំងសណ្តាប់ធ្នាប់ទាំងអស់ត្រូវចូលរួមពង្រឹងការងារសន្តិសុខនៅក្នុងមូលដ្ឋានអោយបានប្រសើរឡើងថែមទៀត។

នាឱកាសនោះលោកស្រីអភិបាលខណ្ឌដង្កោក៏បានកោតសសើរដល់កងកម្លាំងសណ្តាប់ធ្នាប់ខណ្ឌដែលបានខិតខំបំពេញការងារកន្លងមក។ ជាចុងក្រោយលោកស្រីអភិបាលបាន ឧបត្ថម្ភជាសម្ភារៈ និងថវិកាមួយចំនួនផងដែរ៕