ក្រុមសកម្មប្រយុទ្ធអ៊ីស្លាម សម្លាប់អ្នកភូមិយ៉ាងហោចណាស់ចំនួន ៤០នាក់ នៅក្នុងការវាយប្រហារភាគខាងកើតប្រទេសកុងហ្គោ
បរទេស ៖ កាលពីថ្ងៃអង្គារិ៍ ក្រុមសិទ្ធិមនុស្សក្នុងតំបន់ និងបុគ្គលិកមន្ទីរពេទ្យបាននិយាយថា ជនសង្ស័យថាជាក្រុមសកម្មប្រយុទ្ធអ៊ីស្លាមបានសម្លាប់ជនស៊ីវិលយ៉ាងហោចណាស់ចំនួន ៤០នាក់នៅក្នុងការវាយប្រហារជាបន្តបន្ទាប់លើភូមិមួយចំនួននៅភាគខាងកើតនៃសាធារណរដ្ឋប្រជាធិបតេយ្យកុងហ្គោនៅចន្លោះថ្ងៃព្រហស្បតិ៍ និងថ្ងៃច័ន្ទ។
ក្រុមអ្នកវាយប្រហារដែលគេជឿថា ជាសមាជិកនៃកងកម្លាំងប្រជាធិបតេយ្យសម្ព័ន្ធមិត្ត (ADF) បានកំណត់គោលដៅលើក្រុមអ្នកភូមិមកពីខេត្ត North-Kivu ដែលបានឆ្លងកាត់ចូលទៅក្នុងខេត្ត Ituri ដែលជាខេត្តជិតខាង កាលពីថ្ងៃទី២៥ ខែសីហា ដើម្បីស្វែងរកដីដែលអាចដាំណាំនៅក្បែរទន្លេ Ituri។
លោក Christophe Munyanderu អ្នកសម្របសម្រួលរបស់ក្រុមក្នុងតំបន់ដើម្បីការព្រមព្រៀងសម្រាប់ការគោរពសិទ្ធិមនុស្ស (CRDH) បាននិយាយថា អ្នកប្រយុទ្ធ ADF បានសម្លាប់បុរស ស្ត្រី និងកុមារប្រមាណ ៤០នាក់នៅក្នុងភូមិចំនួន០៥ ចាប់តាំងពីថ្ងៃព្រហស្បតិ៍មក។
លោក Munyanderu បាននិយាយថា “ហេតុការទាំងនេះត្រូវបានអាជ្ញាធរដឹងលឺ ហើយយើងកំពុងស្លាប់នៅទីនេះ ប៉ុន្តែអាជ្ញាធរមិនបានធ្វើអ្វីនោះទេ” ៕
