គ្រោះថ្នាក់ចរាចរថ្ងៃទី២៧ ខែកញ្ញា ឆ្នាំ២០១៨ ស្លាប់ ៣នាក់ របួស៧នាក់
ភ្នំពេញ ៖ យោងតាមរបាយការណ៍ពីនាយកដ្ឋានចរាចរណ៍ និងសណ្តាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ ប្រាប់ថា នៅថ្ងៃទី២៧ ខែកញ្ញា ឆ្នាំ២០១៨ មានហេតុការណ៍គ្រោះថ្នាក់ចរាចរ នៅទូទាំងប្រទេសកើតឡើងចំនួន ៧លើក(យប់៥លើក) បណ្តាលឲ្យមនុស្សស្លាប់ ៣នាក់ របួសធ្ងន់ ៦នាក់(ស្រី៣នាក់) របួសស្រាល ១នាក់(ស្រី) មិនពាក់មួកសុវត្ថិភាពពេលគ្រោះថ្នាក់ ៨នាក់ (យប់៥នាក់) ។
នៅក្នុងករណីគ្រោះថ្នាក់ចរាចរទាំង ៧លើកនេះ បានបង្កឲ្យមានការខូចខាតយានយន្តសរុប ១២គ្រឿង ក្នុងនោះមានម៉ូតូ ៨គ្រឿង រថយន្តធុនតូច ២គ្រឿង រថយន្តធំ ២គ្រឿង ។ មូលហេតុដែលបណ្តាលឲ្យកើតមានហេតុការណ៍គ្រោះថ្នាក់ចរាចរ គឺបណ្តាលមកពី ល្បឿន ៣លើក(ស្លាប់៣នាក់), ប្រជែង ១លើក, ស្រវឹង ២លើក និងមិនគោរពសិទ្ធិ ១លើក ។គ្រោះថ្នាក់នៅលើដងផ្លូវ រួមមាន ផ្លូវជាតិ ៣លើក ផ្លូវខេត្ត ៤លើក ។ ដោយឡែក យានយន្តដែលបង្កហេតុ រួមមាន ម៉ូតូ ៦លើក រថយន្តតូច ១លើក ។ខេត្ត-រាជធានី ដែលមានគ្រោះថ្នាក់ និងរងគ្រោះថ្នាក់ រួមមាន ៖ ភ្នំពេញ ២លើក ស្លាប់១នាក់ របួស២នាក់(ស្រី), ពោធិ៍សាត់ ១លើក ស្លាប់១នាក់ និងខេត្តសៀមរាប ១លើក ស្លាប់១នាក់ ។
របាយការណ៍គ្រោះថ្នាក់ចរាចរផ្លូវគោករយៈពេល២៧ថ្ងៃ គិតចាប់ពីថ្ងៃទី១-២៧ ខែកញ្ញា ឆ្នាំ២០១៨ កើតឡើងចំនួន ២១៨លើក បណ្តាលឲ្យមនុស្សស្លាប់ ១០៨នាក់ របួសសរុប ២៨១នាក់ របួសធ្ងន់ ២១០នាក់ របួសស្រាល ៧១នាក់ ៕
