កំណាត់ផ្លូវជាតិលេខ៩៥ ត្រូវបានផ្អាកចរាចរណ៍បណ្តោះអាសន្ន ខណៈទឹកជំនន់ទឹកភ្លៀងបានបន្តឡេីងដល់កម្រិតប្រកាសអាសន្ន
ព្រះវិហារ៖ កំណាត់ផ្លូវជាតិលេខ៩៥ ចាប់ពីចំណុចគីឡូម៉ែត្រលេខ៤០ ដល់គីឡូម៉ែត្រលេខ៤១ ស្ថិតក្នុងភូមិពុទ្រា ឃុំពុទ្រា ស្រុកជ័យសែន ត្រូវបានផ្អាកចរាចរណ៍ជាបណ្តោះអាសន្ន ចំពោះរថយន្តដឹកទំនិញធុនធ្ងន់គ្រប់ប្រភេទ ខណៈដែលទឹកជំនន់ទឹកភ្លៀង(ដងស្ទឹងសែន)បានបន្តឡេីងដល់កម្រិតប្រកាសអាសន្ន ធ្វេីឱ្យផ្លូវថ្នល់ ស្ពាន មិនអាចទ្រាំទ្រនឹងរថយន្តដឹកទំនិញធុនធ្ងន់ឆ្លងកាត់បាន។
នេះបើយោងតាមសេចក្តីជូនដំណឹងរបស់មន្ទីរសាធារណការនិងដឹកជញ្ជូនខេត្តព្រះវិហារ ដែលក្នុងសេចក្តីជូនដំណឹងនេះមានន័យថា៖ ដោយស្ថានភាពគ្រោះទឹកជំនន់ទឹកភ្លៀង(ដងស្ទឹងសែន)បានបន្តឡេីងដល់កម្រិតប្រកាសអាសន្ន ធ្វេីឱ្យផ្លូវថ្នល់ ស្ពាន មិនអាចទ្រាំទ្រនឹងរថយន្តដឹកទំនិញធុនធ្ងន់បានទេ។
អាស្រ័យហេតុនេះមន្ទីរសាធារណការនិងដឹកជញ្ជូនខេត្តព្រះវិហារ សូមធ្វេីការបិទចរាចរណ៍ទាំងស្រុងជាបណ្តោះអាសន្ន ចំពោះរថយន្តដឹកទំនិញធុនធ្ងន់គ្រប់ប្រភេទ នៅលេីកំណាត់ផ្លូវជាតិលេខ៩៥ ចាប់ពីចំណុចគីឡូម៉ែត្រលេខ៤០ ដល់គីឡូម៉ែត្រលេខ៤១ ស្ថិតក្នុងភូមិពុទ្រា ឃុំពុទ្រា ស្រុកជ័យសែន ចាប់ពីថ្ងៃជូនដំណឹងនេះ រហូតដល់មានសេចក្តីជូនដំណឹងជាថ្មី ដេីម្បីថែរក្សាផ្លូវថ្នល់ ស្ពានកុំឱ្យបាក់ស្រុត និងធានាដល់ការធ្វេីចរាចរណ៍ប្រកបដោយសុវត្ថិភាព៕