អ្នកបើករថយន្តរតាក់ស៊ីមួយគ្រឿង ដឹកភ្ញៀវបើកឡើង លើក្បាលនាគ កណ្ដាលទ្រូងផ្លូវចឹងបានខ្លាំង?

ភ្នំពេញ៖ បុរសម្នាក់បើករថយន្តកូរ៉ូឡារត់តាក់ស៊ីមួយគ្រឿង ដឹកភ្ញៀវងោកមួយភាំងរេចង្កូត ទៅបុកក្បាលនាគពុះចែកទ្រូវផ្លូវ រួចឡើងជិះពីលើធ្វើប្រងើយសំណាងល្អអ្នកបើកបរ និងអ្នករួមដំណើរមិនមានរងរបួស នោះទេ។ កាលពីម៉ោង៤ទៀបភ្លឺថ្ងៃទី២៩ ខែកញ្ញាឆ្នាំ២០១៨ ស្ថិតនៅចំណុចស្តុបក្តាន់ពី តាមបណ្តោយផ្លូវសហពន្ធ័រុស្សី ក្នុងសង្កាត់ស្រះចក ខណ្ឌដូនពេញ ។
ក្រោយហេតុការណ៍នោះបុរសជាម្ចាស់រថយន្តបង្កបានឲ្យដឹងថា មុនកើតហេតុ រូបគាត់បានបើករថយន្តកូរ៉ូឡាមួយគ្រឿងពណ៏ ទឹកប្រាក់ពាក់ស្លាកលេខភ្នំពេញ2AF-1046បានដឹកស្រ្តីម្នាក់ជាភ្ញៀវ ធ្វើដំណើរតាមបណ្ដោយមហាវិថីសហព័ន្ធរុស្សី ក្នុងទិសដៅពីកើតទៅលិច លុះមកដល់ចំណុចកើតហេតុ ត្រង់មុខក្ដាន់២ខាងលើស្រាប់តែគាត់ងងុយដេក បានងោកមួយភាំងក៏រេចង្កូត មកខាងឆ្វេងដៃឡើងទៅលើក្បាលនាគពុះចែក ទ្រូងផ្លូវ។ចំណែកក្បាននាគមិនមានកាខូចខាតនោះទេ។ ចំណែកឯរថយន្តរងការខូចខាត ផ្នែកខាងមុខយ៉ាងដំណំដោយរថយន្ត បែកកាទែរម៉ាស៊ីន ហាប្រេងម៉ាស៊ីន ។ចំណែក ម្ចាស់រថយន្តបង្ករងរបួសស្រាល ត្រូវបានសមត្ថកិច្ចមូលដ្ឋាន ឃាត់ខ្លួននៅនិងកន្លែងកើតហេតុផងដែរ។

ក្រោយកើតហេតុសមត្ថកិច្ចមូលដ្ឋាន បានប្រគល់ម្ចាស់រថយន្តបង្ក ជូនទៅសមត្ថកិច្ចជំនាញ ចំណែករថយន្តសមត្ថកិច្ចធ្វើកាតវាស់វែង យកទៅរក្សាទុកនៅការិយាល័យចរចារណ៍ផ្លូវគោក រាជធានីភ្នំពេញ រង់ចាំដោះស្រាយគ្នាទៅតាមផ្លូវច្បាប់៕