នគរបាលខណ្ឌប្ញស្សីកែវ ឃាត់ខ្លួនជនសង្ស័យឆក់ទូរស័ព្ទម្នាក់ ពីអ្នកបើកម៉ូតូកង់បីឥណ្ឌា

ភ្នំពេញ ៖ ជនសង្ស័យម្នាក់ ត្រូវបាននគរបាលខណ្ឌប្ញស្សីកែវ ឃាត់ខ្លួន បន្ទាប់ពីធ្វើសកម្មភាពឆក់ទូរស័ព្ទពីបើកម៉ូតូកង់បីឥណ្ឌា ខណៈជនសង្ស័យរូបនេះ ហៅជិះពីផ្សារជម្ពូវ័ន្ត មកផ្ទះជួល កាលពីវេលាម៉ោង៣ និង៣០នាទី រសៀលថ្ងៃទី១៥ ខែវិច្ឆិកា ឆ្នាំ២០២២ នៅចំណុច ផ្លូវK5 ក្រុម៧ ភូមិចុងខ្សាច់ សង្កាតទួលសង្កែ១ ខណ្ឌឫស្សីកែវ រាជធានីភ្នំពេញ ។

លោកវរសេនីយ៍ឯក ហ៊ាង ថារ៉េត អធិការខណ្ឌប្ញស្សីកែវ បានអោយដឹងថា ជនរងគ្រោះមិនស្គាល់អត្តសញ្ញាណ ភេទប្រុស ក្រោយកើតហេតុ មិនបានដាក់ពាក្យបណ្តឹងបានចេញទៅបាត់ ។

ចំណែកជនសង្ស័យ ឈ្មោះ យឺន សំអូន ភេទប្រុស អាយុ៣២ឆ្នាំ មុខរបរមិនពិតប្រាកដ ស្នាក់នៅបន្ទប់ជួល ភូមិចុងខ្សាច់ សង្កាត់ទួលសង្កែ១ ខណ្ឌឫស្សីកែវ។
ក្នុងនោះសមត្ថកិច្ច បានដកហូតសម្ភារៈរួម ៖ ទូរស័ព្ទ ១គ្រឿង ម៉ាក Oppo A54 ពណ៍ទឹកប៊ិច គ្មានស៊ីម (ជារបស់ជនរងគ្រោះ) ។

សមត្ថកិច្ច បានបញ្ជាក់ថា នៅថ្ងៃខែឆ្នាំវេលាម៉ោងខាងលើ ជនសង្ស័យបានហៅ Pass up ជនរងគ្រោះដឹកជនសង្ស័យ ពីផ្សារជម្ពូវ័ន្ត មកដល់ចំណុចកើតហេតុខាងលើ បានឈប់ រួចជនសង្ស័យ បានធ្វើសកម្មភាពឆក់ទូរស័ព្ទពីដៃជនរងគ្រោះ រួចរត់គេចខ្លួនបាត់។ លុះដល់ថ្ងៃទី១៧ ខែវិច្ឆិកា ឆ្នាំ២០២២ វេលាម៉ោង០២:០០នាទីកំលាំងជំនាញខណ្ឌ បានធ្វើការស្រាវជ្រាវ រហូតឈានធ្វើការឃាត់ខ្លួនបានជនសង្ស័យម្នាក់ រួមទាំងវត្ថុតាងទូរសព្ទជនរងគ្រោះ នៅចំណុចផ្លូវបេតុង ភូមិបាក់ទូក សង្កាត់ទួលសង្កែទី១ មកកាន់អធិការដ្ឋាន ខណ្ឌឬស្សីកែវ ដើម្បីធ្វើការសួរនាំ និងចាត់ការតាមនិតិវិធី ៕