នគរបាលខណ្ឌឫស្សីកែវ ឃាត់ខ្លួនមនុស្សប្រុសស្រី ៧នាក់ រួមជាមួយថ្នាំញៀនជាច្រើនកញ្ចប់
ភ្នំពេញ ៖ មនុស្សប្រុសស្រី ៧នាក់ រួមជាមួយថ្នាំញៀនជាច្រើនកញ្ចប់ ត្រូវកម្លាំងនគរបាលខណ្ឌឫស្សីកែវ សហការជាមួយកម្លាំងប៉ុស្តិ៍នគរបាលរដ្ឋបាលសង្កាត់ឫស្សីកែវ ចាប់ឃាត់ខ្លួន នៅថ្ងៃទី១១ ខែធ្នូ ឆ្នាំ២០២២ ស្ថិតនៅក្រុមទី១០ ភូមិសាមគ្គី សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
លោកវរសេនីយ៍ឯក ហ៊ាងថារ៉េត អធិការនគរបាលខណ្ឌប្ញស្សីកែវ បានអោយដឹងថា ជនសង្ស័យដែលកម្លាំងជំនាញខណ្ឌ និងប៉ុស្តិ៍ឃាង់ខ្លួននេះ មានចំនួន ៧នាក់ ដូចមានឈ្មោះ ៖
១/ឈ្មោះ មឿន ដារ៉ា ភេទប្រុស អាយុ៣៥ឆ្នាំ មានទីលំនៅបន្ទប់ជួល គ្មានលេខ ផ្លូវបេតុង ក្រុមទី១០ ភូមិសាមគ្គី សង្កាត់ឫស្សីកែវ ខណ្ឌឬស្សីកែវ រាជធានីភ្នំពេញ មុខរបរមិនពិតប្រាកដ។ ២/ឈ្មោះ ពិន ប៊ុនតោ ភេទប្រុស អាយុ៣៣ឆ្នាំ មានទីលំនៅផ្ទះលេខ១៩៩ច ផ្លូវបេតុង ភូមិសាមគ្គីសង្កាត់ឫស្សីកែវ ខណ្ឌឫស្សីកែវ ភ្នំពេញ មុខរបបមិនពិតប្រាកដ ។
៣/ឈ្មោះ ហ៊ន់ ស្រីជា ភេទស្រី អាយុ២៨ឆ្នាំ មានទីលំនៅបន្ទប់ជួលគ្មានលេខ ផ្លូវបេតុង ក្រុមទី១០ ភូមិសាមគ្គី សង្កាត់ឫស្សីកែវ ខណ្ឌឬស្សីកែវ រាជធានីភ្នំពេញ មុខរបរមិនពិតប្រាកដ។
៤/ឈ្មោះ គឹម យឿង ភេទប្រុសអាយុ ២៨ឆ្នាំ មានទីលំនៅបន្ទប់ជួល គ្មានលេខ ផ្លូវបេតុង ក្រុមទី១០ ភូមិសាមគ្គី សង្កាត់ឫស្សីកែវ ខណ្ឌឬស្សីកែវ រាជធានីភ្នំពេញ មុខរបរមិនពិតប្រាកដ។
៥/ឈ្មោះ ផេង ឌីណា ភេទប្រុសអាយុ ៣១ឆ្នាំ មានទីលំនៅបន្ទប់ជួលគ្មានលេខ ផ្លូវបេតុង ក្រុមទី១០ ភូមិសាមគ្គី សង្កាត់ឫស្សីកែវ ខណ្ឌឬស្សីកែវ រាជធានីភ្នំពេញ មុខរបរមិនពិតប្រាកដ។
៦/ឈ្មោះ កែវ ចៀន ភេទស្រីអាយុ២៣ឆ្នាំ មានទីលំនៅបន្ទប់ជួលគ្មានលេខ ផ្លូវបេតុង ក្រុមទី១០ ភូមិសាមគ្គី សង្កាត់ឫស្សីកែវ ខណ្ឌឬស្សីកែវ រាជធានីភ្នំពេញ មុខរបរមិនពិតប្រាកដ។ ៧/ឈ្មោះ ហ៊ន់ ស្រីយ៉ា ភេទស្រីអាយុ២៥ឆ្នាំ ជនជាតិខ្មែរ មានទីលំនៅបន្ទប់ជួលគ្មានលេខ ផ្លូវបេតុង ក្រុមទី១០ ភូមិសាមគ្គី សង្កាត់ឫស្សីកែវ ខណ្ឌឬស្សីកែវ រាជធានីភ្នំពេញ មុខរបរមិនពិតប្រាកដ។
ក្នុងនោះកម្លាំង បានដកហូតវត្ថុតាងមួយចំនួន រួមមាន ៖
១/ឧបករណ៍ប្រើប្រាស់មួយចំនួន និងទូរស័ព្ទ ដៃ ០៤គ្រឿង និងក្រាមពណ៌សថ្លាសង្ស័យជាគ្រឿងញៀន ចំនួន ១៨ កញ្ចប់តូច និងប្រាក់ចំនួន ១៨០០០៛ (មួយមុឺនប្រាំបីពាន់រៀល)
នៅចំពោះមុខ កំលាំងជំនាញខណ្ឌ និងប៉ុស្តិ៍ កំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីអនុវត្តន៍តាមនីតិវិធី ៕
