ប្រភពព័ត៌មានទាន់ហេតុការណ៍ក្រុងភ្នំពេញ

ឃាត់ខ្លួនជនសង្ស័យ ០១នាក់ ករណីលួចមានស្ថានទម្ងន់ទោដោយប្រព្រឹត្តអំពើហឹង្សាឆក់យកកាបូប កាលពីជាង១ខែមុន

99

 

ភ្នំពេញ ៖ នៅថ្ងៃទី០៥-កុម្ភ-២០២៣ ម៉ោង២៣ និង១០នាទី ប៉ុស្តិ៍នគរបាលរដ្ឋបាលគោកឃ្លាង ស្រាវជ្រាវឃាត់ខ្លួនជនសង្ស័យ ០១នាក់ ករណីលួចមានស្ថានទម្ងន់ទោដោយប្រព្រឹត្តអំពើហឹង្សា(ឆក់យកកាបូប វ៉ាត់ ចង្កេះ)កាលពីថ្ងៃទី២៧-១២-២០២២ ម៉ោង០៦និង០០នាទី នៅចំណុចមុខសាលារៀនធូវើហ្សិន ផ្លូវ៥៨P ភូមិដីថ្មី សង្កាត់គោកឃ្លាង ខណ្ឌសែនសុខ បង្កដោយជនសង្ស័យ ០៤នាក់(គេចខ្លួន០៣នាក់១-ញូញ , ហួរ,យ៉ាកឺ) ។

ឃាត់ខ្លួនសង្ស័យ ១នាក់ ឈ្មោះ នាង សុខតុង(តុង) ភេទប្រុស អាយុ២៤ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះជួល ផ្លូវលំ ភូមិសាមគ្គី សង្កាត់ទួលសង្កែ២ ខណ្ឌឬស្សីកែវ (គ្មានសារធាតុញៀន) រួមជាមួយបក្ខពួកគេចខ្លួនបានធ្វើសកម្មភាពជិះម៉ូតូ០២គ្រឿង ឆក់យកកាបូបវ៉ាត់ចង្កេះ ពីឈ្មោះ សុខ ចន្ធូ ភេទស្រី អាយុ៤៣ឆ្នាំ ជនជាតិខ្មែរ មុខរបរលក់ដូរ ស្នាក់នៅផ្ទះជួល ផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ ។

សម្ភារៈបាត់បង់ ៖ លុយខ្មែរ ២៨.០០០.០០០រៀល,លុយដុល្លារ៣.០០០ដុល្លារ , ទូរស័ព្ទដៃ០១គ្រឿង និងគ្រឿងអលង្ការមួយចំនួន ។ សម្ភារៈ បន្សល់ទុក ទូរស័ព្ទដៃ០១គ្រឿង ម៉ាកOPPO ,ម៉ូតូ០១គ្រឿង ម៉ាកវែវ ពណ៌ខ្មៅ ពាក់ផ្លាកលេខកំពង់ចាម1D-2212 របស់ជនល្មើស ។ បច្ចុប្បន្នជនសង្ស័យ កំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីចាត់ការតាមនិតិវិធី ៕

អត្ថបទដែលជាប់ទាក់ទង