ព្រះករុណាជាអម្ចាស់ជីវិតលើត្បូង និងសម្តេចព្រះមហាក្សត្រី សម្តេចយាងនិវត្តន៍ទៅកាន់ព្រះរាជាណាចក្រកម្ពុជា

នាវេលាព្រឹកថ្ងៃទី០៩ ខែតុលា ឆ្នាំ២០១៨ ព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ស្តេចសព្វព្រះរាជហឫទ័យ យាងនិវត្តន៍ទៅកាន់ព្រះរាជាណាចក្រកម្ពុជា តាមព្រះរាជទីនាំងយន្តហោះពិសេស ចាកចេញពីព្រលានយន្តហោះអន្តរជាតិប៉េកាំង បន្ទាប់ពីគង់ប្រថាប់សម្រាក និងព្យាបាលព្រះរាជសុខភាព នារដ្ឋធានីប៉េកាំង សាធារណរដ្ឋប្រជាមានិតចិន៕