ក្រឡេកមើលបច្ចេកវិទ្យា សំអាតឆ្នេរខ្សាច់ទំនើបៗ ដែលមានប្រសិទ្ធភាពខ្ពស់
លោកហេង រតនា អគ្គនាយកស៊ីម៉ាក់ តាមរយៈផេកហ្វេសប៊ុកផ្លូវការ នៅថ្ងៃទី១០តុលានេះ បានថ្លែងថា សូមចូលរួមមតិករណី សំរាមតាមឆ្នេរសមុទ្រ នៃព្រះរាជាណាចក្រយើង។ មន្ត្រីមួយចំនួនខិតខំ សំអាតឆ្នេរណាស់ដែរ តែដូចជាមិនស្ងប់ចិត្តអ្នក ចង់ឃើញឆ្នេរសមុទ្រនេះស្អាតជានិច្ច។ ស្អាតស្រស់ជានិច្ច។ ស្រស់ស្អាតជានិច្ច។ សូមក្រឡេកមើលបច្ចេកវិទ្យាសំអាតឆ្នេរខ្សាច់ទំនើបៗ ដែលមានប្រសិទ្ធភាពខ្ពស់ ប្រើមនុស្សតិច និងធ្វើឱ្យឆ្នេរគឺថាដើម្បីី ដើម្បីគឺថា ស្រស់ស្អាតជានិច្ច ចង់បានឆ្នេរខ្សាច់ពណ៌ស សបានតើ ចង់ពណ៌មាស ធ្វើពណ៌មាសបានតើ។ ហេតុអីពិបាកដូចសព្វថ្ងៃនេះ បើនិយាយពីលុយ ទិញត្រាក់ទរ័ និងឧបករណ៍បំពាក់សំអាតឆ្នេរខ្សាច់ប៉ុណ្ណឹង ប្រហែលអាចរកបានដែរ។
លោកអ៊ី សុខឡេង អភិបាលក្រុងព្រះសីហនុ បានឲ្យដឹងថា
វេលាម៉ោង៨ព្រឹក ថ្ងៃទី១០ តុលា ២០១៨ នេះ តាមបណ្តោយឆ្នេរ នៅក្នុងក្រុងព្រះសីហនុ ត្រូវបានសម្អាតកំប្លោក ដែលរសាត់តាមរលកទឹកសមុទ្រ មកពីប្រទេសវៀតណាម ស្អាតឡើងវិញហើយ។
បន្ទាប់ពីមន្ត្រីរាជការដឹកនាំដោយលោក អភិបាលខេត្ត និងមានការចូលរួម ពីរដ្ឋបាលក្រុង មន្ទីរបរិស្ថាន មន្ទីរព័ត៌មាន កម្លាំងប្រដាប់អាវុធ និងបុគ្គលិកអនាម័យក្រុង ព្រមទាំងបងប្អូនអាជីវករតាមបណ្តោយឆ្នេរ រួមគ្នាសម្អាត៕
