ឆេះផ្ទះមួយខ្នង បណ្តាលមកពី ឆ្លងចរន្តអគ្គីសនី

ភ្នំពេញ៖ នៅថ្ងៃទី១៥ ខែមីនា ឆ្នាំ២០២៣ វេលាម៉ោង១២:១០នាទីថ្ងៃត្រង់ សមត្ថកិច្ចប៉ុស្តិ៍នគរបាលរដ្ឋបាលពាមជីកង បានទទួលព័ត៌មានពី

ប្រជាពលរដ្ឋ រាយការណ៍ថាមាន ករណីអគ្គីភ័យ ០១ករណី នៅចំណុចភូមិដំណាក់ជ្រៃ ឃុំពាមជីកង ស្រុកកងមាស ខេត្តកំពង់ចាម ក្រោយពីទទួលបានពត៌
មានភ្លាម លោកវរសេនីយ៍ត្រីហាន ធី នាយប៉ុស្តិ៍នគរបាលរដ្ឋបាលពាមជីកង បានដឹកនាំកម្លាំងប៉ុស្តិ៍នគរបាលរដ្ឋបាលពាមជីកង សហការជាមួយកម្លាំងអធិការដ្ឋាននគរបាលស្រុកកងមាស ចុះជួយពន្លត់ជាបន្ទាន់។

ម្ចាស់ផ្ទះឈ្មោះ គង់ ផាតភេទប្រុស អាយុ៦០ឆ្នាំ ជនជាតិខ្មែរ នៅភូមិឃុំខាងលើ។

ករណីនេះ មិនបណ្តាលអោយប៉ះពាល់
អាយុជីវិតប្រជាពលរដ្ឋទេ ។

ការខូចខាត ផ្ទះសង់អំពីឈើ ដំបូលប្រក់ក្បឿង ទំហំ(៦មែត្រ ×៨ម៉ែត្រ) ឆេះអស់ទាំងស្រុង។ ខូចខាតឆេះម៉ូតូ០១គ្រឿងម៉ាកហុងដាវ៉េវនិងសម្ភារប្រើប្រាស់
មួយចំនួនធំ ។

មូលហេតុបណ្តាលមកពី ឆ្លងចរន្តអគ្គីសនី ។

អគ្គីភ័យបានរលត់អស់១០០%នៅវេលាម៉ោង១៣:១៥នាទីរសៀល ។

ក្នុងកិច្ចប្រតិបត្តិការនេះ យើងប្រើប្រាស់រថយន្តពន្លត់អគ្គីភ័យ ចំនួន ០២គ្រឿង និងប្រើប្រាស់អស់ទឹក ០២រថយន្ត ក្នុងនោះរថយន្តពន្លត់អគ្គីភ័យ
,ស្រុកព្រៃឈរ១គ្រឿង,ស្រុកកងមាស ០១គ្រឿង។
សូមមិត្តភាពកងមាសមេត្តាទទួលជ្រាប ៕