ជនជាតិចិនបើករថយន្តក្រឡាប់ខ្លួនឯង នៅចំណុច ចំណោទអូជ្រៅ របួស៣នាក់

កោះកុង៖ ស្នងការដ្ឋាននគរបាលខេត្តកោះកុង បានឲ្យដឹងថា នៅថ្ងៃទី ១០ ខែ តុលា ២០១៨ នៅវេលាម៉ោង ៧.០០នាទីព្រឹក មានករណីគ្រោះថ្នាក់ចរាចរណ៍ រថយន្តក្រឡាប់ខ្លួនឯង នៅចំណុច ចំណោទអូជ្រៅ ឃុំបឹងព្រាវ ស្រុកស្រែ​អំបិលរថយន្ដ ហាយលេនឌ័រ ពណ៌ស ពាក់ស្លាកលេខ 4yBv692 បើកបរដោយឈ្មោះ ស៊ូ ចិត្រា ភេទប្រុស អាយុ ២៨ ឆ្នាំ មានទីលំនៅភូមិ៤ សង្កាត់៤ ក្រុងព្រះសីហនុ ធ្វើដំណើរ​ ពីកំពង់សោម ទៅកោះកុង រួមដំណើរដោយជនជាតិ ​៣នាក់​ ស្រី ១ នាក់ បណ្ដាលអោយរងរបួសធ្ងន់ ២នាក់ ស្រី ១នាក់ និងរបួសស្រាល ១នាក់ ប្រុស មានឈ្មោះ​ដូចខាងក្រោម ៖ ១.ឈ្មោះ ឡៅ លាវ ប្រុស ៦២ ។ ២ ឈ្មោះ ជូ អិលិង ប្រុស អាយុ ៤៧ ឆ្នាំ។ ៣ .ឈ្មោះ ជី មិងគ ស្រី អាយុ៦១ឆ្នាំ។

នគរបាលបានបញ្ជាក់មូលហេតុថា ករណីនេះ រថយន្ដចុះចំណោទ រអិលគ្រួសដែលទើបឈូសថ្មីៗ។ រថយន្ដដែលរងគ្រោះក្រុមហ៊ុនចិន នឹងស្ទូច​យកទៅជួសជុល នៅខេត្តព្រះសីហនុ រីឯជនរងគ្រោះ​ ត្រូវបានយកទៅព្យាបាល នៅមន្ទីរពេទ្យបង្អែកស្រុក៕