រដ្ឋបាលខណ្ឌ7មករា រៀបចំហ្វេសប៊ុកតាមបណ្ដា សង្កាត់ទាំង8 ដើម្បីប្រជាពលរដ្ឋងាយស្រួល ក្នុងការទំនាក់ទំនងការងារ

ភ្នំពេញ៖លោកថេង សុថុល អភិបាលខណ្ឌ7មករានិងលោក សោម សុវណ្ណ ប្រធានក្រុមប្រឹក្សាខណ្ឌ សហការជាមួយក្រុមការងាររដ្ឋបាលរាជធានីភ្នំពេញ ចុះណែនាំ សម្របសម្រួល និងរៀបចំហ្វេសប៊ុកផេករដ្ឋបាលសង្កាត់ទាំង៨ ក្នុងការបង្កើនសមត្ថភាពការងារផ្សព្វផ្សាយសកម្មភាពសង្កាត់របស់ខ្លួននៅក្នុងមូលដ្ឋាន ពិសេសការផ្ដល់លេខទំនាក់ទំនងតាមរយៈហ្វេសប៊ុកផេក ដើម្បីងាយស្រួលដល់បងប្អូនប្រជាពលរដ្ឋសាកសួរព័ត៌មាននូវសេវាសាធារណៈ និងការងារផ្សេងៗមួយចំនួនបានទាន់ពេលវេលា និងឆាប់រហ័ស ។

ក្នុងឳកាសនោះផងដែរ រដ្ឋបាលសង្កាត់ទាំង៨បានផ្សព្វផ្សាយនូវ ឆាណែលតេឡេក្រាម សម្ដេចតេជោ ហ៊ុន សែន តាមរយៈហ្វេសបុកផេកសង្កាត់ ជូនដល់បងប្អូនប្រជាពលរដ្ឋរស់នៅក្នុងមូលដ្ឋាន ចុចចូលរួម ដើម្បីទទួលបានព័ត៌មានថ្មីៗ និងឆាប់រហ័ស ។ ជាមួយគ្នានេះ រដ្ឋបាលខណ្ឌ៧មករា និងរដ្ឋបាលសង្កាត់ទាំង៨ និងធ្វើការផ្សព្វផ្សាយបន្តរាល់សកម្មភាពថ្នាក់ដឹកនាំ រួមមាន៖
១ ហ្វេសបុកផេក សម្ដេចតេជោ នាយករដ្ឋមន្ត្រី
២ ហ្វេសបុកផេក សម្ដេចក្រឡាហោម រដ្ឋមន្ត្រីក្រសួងមហាផ្ទៃ
៣ ហ្វេសប៊ុកផេក ឯកឧត្តម ឃួង ស្រេង អភិបាលរាជធានីភ្នំពេញ
៤ ហ្វេសប៊ុកផេក រដ្ឋបាលរាជធានីភ្នំពេញ ជាដើម ។ល។