នគរបាលខណ្ឌឬស្សីកែវ ឃាត់ខ្លួនក្រុមជនសង្ស័យចំនួន០៤នាក់ ដែលធ្វើសកម្មភាពឆក់ នៅក្នុងមូលដ្ឋាន

ភ្នំពេញ ៖ ក្រុមជនសង្ស័យ ៤នាក់ ត្រូវកមហលាំងនគរបាលខណ្ឌប្ញស្សីកែវ ឃាត់ខ្លួន ក្រោយធ្វើសកម្មភាពជាក់ស្តែង ឆក់កាបូបស្ពាយពីនារីម្នាក់ កាលពីថ្ងៃទី២៣ ខែមេសា ឆ្នាំ២០២៣ វេលាម៉ោង១៩:៣០នាទី នៅចំណុចលើផ្លូវលេខ១០០៣ ក្រុមទី៨ ភូមិខ១ សង្កាត់ច្រាំងចំរេះទី២ ខណ្ឌឫស្សីកែវ រាជធានីភ្នំពេញ។

លោក ហ៊ាង ថារ៉េត អធិការខណ្ឌប្ញស្សីកែវ បានអោយដឹងថា ក្រុមជនសង្ស័យចំនួន០៤នាក់ ដែលកម្លាំងជំនាញឃាត់ខ្លួនបាន រួមមាន ៖
១/ឈ្មោះ ឌី មេសំណាង ភេទប្រុស (ហៅអាមាត់ធំ) អាយុ១៩ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅផ្ទះគ្មានលេខ ផ្លូវបេតុង ក្រុមទី៤ ភូមិខ១ សង្កាត់ច្រាំងចំរេះទី២ ខណ្ឌឫស្សីកែវ រាជធានីភ្នំពេញ(មានសារធាតុញៀន)។
២/ឈ្មោះ ចំរើន សុភ័ក្រ ភេទប្រុស អាយុ១៧ឆ្នាំ ជាតិខ្មែរ មុខរបរមិនពិតប្រាកដ មានទីលំនៅផ្ទះជួល ផ្លូវបេតុង ក្រុមទី៨ ភូមិខ១ សង្កាត់ច្រាំងចំរេះទី២ ខណ្ឌឫស្សីកែវ រាជធានីភ្នំពេញ(មានសារធាតុញៀន)។
៣/ឈ្មោះ វាសនា ឆារ៉ា ភេទប្រុស អាយុ២៨ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅផ្ទះគ្មានលេខ ភូមិក សង្កាត់ច្រាំងចំរេះទី២ ខណ្ឌឫស្សីកែវ រាជធានីភ្នំពេញ(មានសារធាតុញៀន)។
៤/ឈ្មោះ មីន រ៉ូហ្សាក់ ភេទប្រុស អាយុ២៨ឆ្នាំ ជនជាតិខ្មែរ-ឥស្លាម មុខរបរមិនពិតប្រាកដ មានទីលំនៅផ្ទះគ្មានលេខ ផ្លូវបេតុង ក្រុមទី៨ ភូមិបឹងឈូក សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ(មានសារធាតុញៀន)។
ជាមួយគ្នានោះ សមត្ថកិច្ចដកហូតវត្ថុតាង រួមមាន÷
១/ទូរស័ព្ទដៃ១គ្រឿងម៉ាក OPPO RENO 7 ពណ៌ខ្មៅ គ្មានសុីម របស់ជនរងគ្រោះ(ប្រគល់ឲជរងគ្រោះវិញ)។
២/ម៉ូតូ១គ្រឿងម៉ាក HONDA DREAM C125 ពណ៌ខ្មៅ ពាក់ផ្លាកលេខភ្នំពេញ1IJ-2670។

ចំណែកជនរងគ្រោះ ឈ្មោះ វ៉ា សុីម៉ៃ ភេទស្រី អាយុ២៤ឆ្នាំ មានទីលំនៅផ្លូវលេខ៣៣៦ សង្កាត់បឹងសាឡាង ខណ្ឌទួលគោក រាជធានីភ្នំពេញ។ ហើយសម្ភារៈបាត់បង់ ៖ ទូរស័ព្ទដៃ១គ្រឿងម៉ាក់ Iphone 12Promax ពណ៌ស្លែ ។

*ដំណើររឿង÷
នៅថ្ងៃឆ្នាំកើតហេតុជនរងគ្រោះជិះម៉ូតូគ្នា២នាក់ម៉ាក Scoopy ពណ៌ខៀវ ចេញពីមុខក្រសួងដែនដីនគរូបនីយកម្ម សំដៅទៅផ្ទះនៅសង្កាត់បឹងសាឡាង ខណ្ធទួលគោក លុះពេលដល់ចំណុចកើតហេតុ ខណៈពេលស្រាប់តែមានជនសង្ស័យចំនួន០២នាក់ ជិះម៉ូតូម៉ាកHODNA DREAM C125 ពណ៌ខ្មៅ មិនចាំផ្លាកលេខ អត់ពាក់មួកសុវត្ថិភាព អ្នកក្រោយសក់ក្រហម បានធ្វើសកម្មភាពឆក់កាបូបស្ពាយជនរងគ្រោះបានសម្រេច ហើយក៏គេចខ្លួនអស់ទៅ ភ្លាមៗនោះជនរងគ្រោះបានឡើងមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលច្រាំងចំរេះទី២ បន្ទាប់ពីទទួលបានបណ្តឹងកម្លាំងប៉ុស្តិ៍ សហការជាមួយកម្លាំងជំនាញខណ្ឌ ចុះទៅកន្លែងកើតហេតុបើកការស្រាវជ្រាវកំណត់មុខសញ្ញាឈានដល់ការឃាត់ខ្លួនបានជនសង្ស័យខាងលើចំនួន០៤នាក់ នៅថ្ងៃទី២៤ ខែមេសា ឆ្នាំ២០២៣ វេលាម៉ោង១១:០០នាទី ត្រង់ចំណុចផ្លូវបេតុង ក្រុមទី៨ ភូមិខ១ សង្កាត់ច្រាំងចំរេះទី២ ខណ្ឌឫស្សីកែវ រាជធានីភ្នំពេញ និងយកមកកាន់ប៉ុស្តិ៍នគរបាលរដ្ឋបាលច្រាំងចំរេះទី២ ដើម្បីធ្វើការសាកសួរ និងកសាងសំណុំរឿងបញ្ជូនតាមនិតិវិធី ៕