ខឹងកូនប្រើប្រាស់គ្រឿងញៀន និយាយលែងស្ដាប់ ឪពុកយកថ្ម វាយក្បាលកូនទំនើង រហូតដល់ស្លាប់
ខេត្តតាកែវ ៖ កូនទំនើង និយាយ មិនស្ដាប់គិតតែពីដើរ ជក់គ្រឿងញៀន បំផ្លិចបំផ្លាញទ្រព្យសម្បត្តិក្នុងផ្ទះ ធ្វើឲ្យឪពុកទ្រាំលែងបាន ដោយសារតែស្ដីប្រដៅកូនលែងស្តាំ ក៏សម្រេចចិត្តយកដុំថ្មសំលៀងកាំបិតវាយក្បាលកូនម្នាក់នេះ បណ្តាលឲ្យស្លាប់ភ្លាមនៅនឹងកន្លែងកើតហេតុ។ ដែលហេតុការណ៍នេះបានកើតឡើងនៅ ទី១៤ ខែតុលា ឆ្នាំ២០១៨ វេលាម៉ោង១៥ និង៣០នាទី នៅភូមិព្រិច ឃុំត្រពាំងសាប ស្រុកបាទី ខេត្តតាកែវ។
ឪពុករូបនោះ ដែលក្លាយខ្លួនជាឃាតករ ឈ្មោះ រាល ពៅ អាយុ៤៥ ឆ្នាំរស់នៅ ភូមិព្រិច ឃុំត្រពាំងសាប ស្រុកបាទី ខេត្តតាកែវ។ចំណែកកូន គិតតែពីជក់គ្រឿងញៀន បំផ្លាញទ្រព្យសម្បត្តិក្នុងផ្ទះមានឈ្មោះ ឆុន សុវណ្ណ ហៅម៉ឺយ ភេទប្រុស មានអាយុ២២ឆ្នាំ។
ជនរងគ្រោះត្រូវបានក្រុមគ្រួសារ ធ្វើបុណ្យតាមប្រពៃណី ចំណែកជនសង្ស័យ សមត្ថកិច្ចបានឃាត់ខ្លួន កសាងសំណុំរឿងបញ្ជូនទៅកាន់សាលាដំបូងដើម្បីចាត់ការតាមផ្លូវច្បាប់៕
