កម្លាំងអាជ្ញាធរសណ្ដាប់ធ្នាប់ខណ្ឌមានជ័យ ចុះអនុវត្តវិធានការក្ដៅ បន្ទាប់ពីអប់រំណែនាំ ជាច្រើនលើកច្រើនសារ
ភ្នំពេញៈអាជ្ញាធរខណ្ឌមានជ័យបានដាក់កម្លាំងក្រុម ការងាររៀបចំ សណ្ដាប់ធ្នាប់ខណ្ឌមានជ័យ ក៏បានចុះរៀបចំសណ្ដាប់ធ្នាប់នៅក្នុងមូលដ្ឋាន សង្កាត់ស្ទឹងមានជ័យទាំង៣ ពិសេសនៅតាមសងខាងផ្លូវវេងស្រេង ផ្លូវព្រះមុនីរ៉េតម្ដុំដើមពោធិ ក្នុងភូមិឫស្សីបន្ទាប់ពីអប់រំណែនាំធ្វើកិច្ចសន្យារាប់សិបដងរួចមកហើយ នៅតែមានៈរឹងរូសមកដាក់លក់អីវ៉ាន់គ្រប់មុខ និងសំភារៈផ្សេងៗ តាមចិញ្ចើមផ្លូវ ព្រោងព្រាតមិនទុកចិញ្ចើមថ្នល់ សំរាប់អ្នកថ្មើរជើងដើរ នៅលើចិញ្ចើមថ្នល់បែបអាណាធិបតេយ្យដដែលៗទៀត ទើបកម្លាំងបានចុះអនុវត្តវិធានការក្ដៅ គគុកចុះធ្វើការរឹបអូសសំភារៈ យកមកសាលាខណ្ឌមានជ័យតែម្ដង ព្រោះប៉ះពាល់ដល់ការធ្វើចរាចរដល់អ្នកដំណើរ នៅតាមបណ្ដោយផ្លូវព្រះមុនីរ៉េតនិងវេងស្រេងនេះយ៉ាងខ្លាំងផងដែរ។
ចាប់ពីថ្ងៃនេះតទៅ ចំពោះបងប្អូនអាជីវករណាដែលនៅតែ បង្កការយកទីតាំងខាងលើនេះ ដាក់លក់ដូរបែបអាណាធិបតេយ្យ បាត់បង់សណ្តាប់ធ្នាប់សាធារណៈ អនាម័យ បរិស្ថាននិងសោភ័ណភាពទីក្រុង គជ់នៃរាជធានីភ្នំពេញនឹងមានវិធានការរដ្ឋបាលតាមផ្លូវច្បាប់ ដែលពួកគាត់ពីមុនប្រឈមនិងផ្លូវច្បាប់ចំនួនពីរគឺ៖ ១.ខុសច្បាប់ភូមិបាល ២.ខុសច្បាប់ចរាចរណ៍ផ្លូវគោក ដែលពួកគាត់កំពុងតែល្មើសដូចសព្វថ្ងៃនេះ។
ការចុះធ្វើសណ្ដាប់ធ្នាប់នេះ ដោយទទួលបានបញ្ជាផ្ទាល់ពីលោក ពេជ្រ កែវមុនី អភិបាលខណ្ឌមានជ័យ និងលោក ឡុង ង៉ែត អភិបាលរងទទួលបន្ទុក ការងារសន្តិសុខ សណ្ដាប់ធ្នាប់សាធារណៈ ។
ចំពោះការងារនេះដែរកម្លាំងសមត្ថកិច្ចអាជ្ញាធរខណ្ឌមានជ័យ បានចាត់វិធានការក្ដៅរយះពេល៤ថ្ងៃជាប់ៗ គ្នាពោលគឺនៅថ្ងៃទី១៩ ២០ ២១ និង ថ្ងៃទី២២ខែតុលា ឆ្នាំ២០១៨នេះ បានចាត់តាំងឲ្យលោក ស៊ុំ រិទ្ធី មន្ត្រីសាលាខណ្ឌ និងលោក ជា ណារិន អនុប្រធានការិយាល័យផែនការនិងអភិវឌ្ឍន៍ខណ្ឌ និងលោក ឡេង ច័ន្ទភត្រា ប្រធានសន្តិសុខសណ្ដាប់ធ្នាប់ខណ្ឌ សហការគ្នាអនុវត្តបទបញ្ជា និងដឹកនាំកម្លាំងសណ្ដាប់ធ្នាប់ខណ្ឌ សហការជាមួយកម្លាំងសង្កាត់ ស្ទឹងមានជ័យទាំង៣ដោយ កម្លាំងនគរបាលប៉ុស្តិ៍ ក្រុមប្រឹក្សាសង្កាត់ មេភូមិ បានបញ្ឍប់ទីតាំងលក់ដូរបែបអាណាធិបតេយ្យ រំលោភយកចិញ្ចើមផ្លូវថ្នល់ ប៉ះពាល់សណ្តាប់ធ្នាប់សាធារណះអនាម័យ បរិស្ថាននិងសោភ័ណភាព ទីក្រុងយើងយ៉ាងខ្លាំង ព្រោះកន្លងមកអ្នកលក់ដូរទាំងនោះ មិនបានចូលរួមសហការជាមួយ អាជ្ញាធរយើងឡើយ ពួកគាត់តែងចាត់ទុកចិញ្ចើមផ្លូវនៅតាមបណ្ដោយផ្លូវវេងស្រេង និងផ្លូវព្រះមុនីរ៉េតក្នុងមូលដ្ឋានសង្កាត់ស្ទឹងមានជ័យទាំង៣ ធ្វើជាទីផ្សារប្រជុំជនមួយ ដែលពួកគាត់តែងតែបង្កការកកស្ទះចរាចរណ៍តាមផ្លូវ លក់ដូរគ្មានសណ្តាប់ធ្នាប់ រំលោភយកចិញ្ចើមផ្លូវ ឫចំណីថ្នល់ធ្វើជាកម្មសិទ្ធិលក់សំភារៈផ្តាច់មុខដូចជា ៖ ត្រី សាច់ បន្លែ ខោអាវ។ល។ ពិសេសបង្កភាពខ្វះអនាម័យ ចោរសំរាម បន្សល់ទុកកាកសំណល់ ស្អុយមកលើផ្លូវជាតិជារៀងរាល់ថ្ងៃ៕
