ស្ថានភាពជំនន់ទឹកភ្លៀង នៅផ្លូវជាតិលេខ៤ ក្នុងស្រុកកំពង់សីលា គិតមកដល់ជាង៧ព្រឹកនេះ ដំណើរការជាធម្មតាឡើងវិញ ទាំងរថយន្តតូច និងរថយន្តធំ

ខេត្តព្រះសីហនុ៖ ស្ថានភាពជំនន់ទឹកភ្លៀង នៅផ្លូវជាតិលេខ ៤ ក្នុងស្រុកកំពង់សីលា គិតមកទល់ម៉ោងជាង៧ព្រឹក ថ្ងៃទី២៨ ខែកញ្ញា ឆ្នាំ២០២៣ ស្ថានភាពកម្ពស់ទឹកនៅចំណុចស្ពានស្ទឹងសំរោង ចន្លោះគីឡូម៉ែត្រលេខ ១១៥-១១៦ ក្នុងភូមិសាស្ត្រ ភូមិស្ទឹងសំរោង ឃុំអូរបាក់រទេះ ស្រុកកំពង់សីលា ខេត្តព្រះសីហនុ ទឹកកំពុងស្រកចុះ រីឯអាកាសធាតុផ្ទៃមេឃស្រឡះល្អ។

ចំពោះចរាចរណ៍តាមផ្លូវជាតិលេខ៤ នៅចំណុចស្ពានស្ទឹងសំរោង បានបើកឲ្យដំណើរការចរាចរណ៍ ទាំងរថយន្តតូច និងរថយន្តធំ ធ្វើដំណើរទៅមកធម្មតា ៕