ក្រោយមកគ្រួសាររបស់ជនរងគ្រោះ បានដាក់ពាក្យបណ្តឹងជាផ្លូវការ ហើយបានដាក់ឈ្មោះសត្វព្រៃថាជាជនជាប់ចោទទៀតផង។ យ៉ាងណាមិញ អាជ្ញាធរបានទទួលយកករណីឧបទ្ទវហេតុនោះហើយ។

បងប្រុសរបស់ជនរងគ្រោះ Krishnapal Singh និយាយថា “ស្វាបានគប់ដុំឥដ្ឋជាង ២០ ដុំទៅលើ Dharampal កាលពីថ្ងៃព្រហស្បតិ៍។ គាត់ត្រូវបានវាយប្រហារលើក្បាល ទ្រូង និងជើង។ ដោយគប់ដុំថ្មពីកម្ពស់យ៉ាងខ្ពស់ ដុំថ្មទាំងនោះល្មមគ្រប់គ្រាន់ដើម្បីសម្លាប់គាត់។ សត្វស្វាដ៏ខិលទាំងនោះ គឺជាអ្នកទោសយ៉ាងពិតប្រាកដ ហើយត្រូវតែសងមកវិញសម្រាប់ទង្វើរបស់ពួកវា។ យើងបានដាក់ពាក្យបណ្តឹងជាលាយលក្ខណ៍អក្សរប្រឆាំងនឹងស្វា ប៉ុន្តែប៉ូលិសហាក់ដូចជាមិនជឿគ្រប់គ្រាន់ ដើម្បីបម្លែងវាទៅជាព័ត៌មានបឋម”។

ព័ត៌មានបឋម គឺជាឯកសារមួយ ដែលប៉ូលិសថតចម្លង ដើម្បីប្រើក្នុងការធ្វើការស៊ើបអង្កេតលើករណីទាំងនោះ។យ៉ាងណាមិញ ប៉ូលិសនៅប៉ុស្ដិ៍ Doghat មិនមានក្ដីរំភើបឡើយក្នុងការយកស្វាមកធ្វើជាអ្នកទោស។

មន្ត្រីប៉ូលិសនៅប៉ុស្ដិ៍ Doghat ឈ្មោះ Chitwan Singh និយាយថា “តើយើងអាចទទួលយកករណីនេះប្រឆាំងនឹងសត្វស្វាដោយរបៀបណា? នេះនឹងធ្វើឱ្យគេសើចយើងចុកពោះជាមិនខាន។ ហើយខ្ញុំមិនគិតថា វាគឺជាតម្រូវការចាំបាច់នោះទេ”។

អ្នកភូមិនៅទីនោះក៏បានចាប់ផ្ដើមមានការព្រួយបារម្ភ ជុំវិញសត្វស្វាបង្កគ្រោះថ្នាក់ដល់មនុស្សក្នុងតំបន់នោះផងដែរ។ អ្នកភូមិម្នាក់និយាយថា “ការវាយប្រហារមកលើ Dharampal គឺជាករណីអាក្រក់បំផុត ហើយសត្វស្វាធ្វើឱ្យជីវិតអ្នកភូមិពិបាករស់នៅ និងគ្មាននរណាមកដោះស្រាយបញ្ហានេះសោះ”៕