នគរបាលខណ្ឌឬស្សីកែវ ឃាត់ខ្លួនជនសង្ស័យ លួចកាច់ផ្លាកលេខរថយន្ត ០៣នាក់

ភ្នំពេញ ៖ ក្រោយពីបានទទួលពាក្យបណ្តឹងពីប្រជាពលរដ្ឋ ស្តីពីការបាត់ស្លាកលេខរថយន្តនោះ លោកវេរសេនីយឯក ហ៊ាង ថារ៉េត អធិការខណ្ឌ បានបញ្ជាទៅលោកវរសេនីយ៍ទោ ផល មេសា អោយដឹកនាំជំនាញ ចុះស្រាវជ្រាវ ជាលទ្ធផលកម្លាំងឃាត់ខ្លួន ជនសង្ស័យប៣នាក់ នៅចំណុចផ្ទះលេខ៥៩ ផ្លូវ៣៥៥ ក្រុម១ ភូមិទួលគោក សង្កាត់ប្ញស្សីកែវ ខណ្ឌប្ញស្សីកែវ រាជធានីភ្នំពេញ នៅថ្ងៃទី០៧ ខែវិច្ឆិកា ឆ្នាំ២០២៣ វេលាម៉ោង០២ និង០០នាទី។
​
លោកវ.ទោ ផល មេសា អធិការរង បានអោយដឹងថា កម្លាំងបានឃាត់ខ្លួនជនសង្ស័យ ចំនួន០៣នាក់ ៖
1/ជនសង្ស័យឈ្មោះគៀង ចៅសំ ភេទប្រុស អាយុ៣១ឆ្នាំ មានទីលំនៅបន្ទប់ជួល ផ្លូវកា៥ ភូមិចុងខ្សាច់ សង្កាត់ទួលសង្កែទី ខណ្ឌប្ញស្សីកែវ រាជធានីភ្នំពេញ មុខរបរមិនពិតប្រាកដ។
2/ជនសង្ស័យឈ្មោះសុខ វណ្ណ ភេទប្រុស អាយុ៣៧ឆ្នាំ មានទីលំនៅបន្ទប់ជួល ផ្លូវកា៥ ភូមិចុងខ្សាច់ សង្កាត់ទួលសង្កែទី ខណ្ឌប្ញស្សីកែវ រាជធានីភ្នំពេញ មុខរបរមិនពិតប្រាកដ។
3/ជនសង្ស័យឈ្មោះ ឌីន ប៉ូលី ភេទប្រុស អាយុ៣៩ឆ្នាំ មានទីលំនៅបន្ទប់ជួល ផ្លូវកា៥ ភូមិចុងខ្សាច់ សង្កាត់ទួលសង្កែទី ខណ្ឌប្ញស្សីកែវ រាជធានីភ្នំពេញ មុខរបរមិនពិតប្រាកដ។

លោកវរៈសេនីយ៍ទោ បានបញ្ជាក់ថា កម្លាំងបានដកហូតវត្ថុតាង រួមមាន ៖
-សោសៀរលេខ៨ចំនួន០១ដើម
-ដែកសំប៉ែតកែច្នៃចុងស្រួចចំនួន០៤ដើម
-សរសៃលួសកែច្នៃចំនួន០១ដើម
-និងផ្លាកលេខរថយន្តចំនួន០២សន្លឹក ភ្នំពេញ 2AU2068 ។ ផ្នែកជំនាញធ្វើការស្រាវជ្រាវក្រោយពីបានទទួលពាក្យបណ្តឹង ឃាត់ខ្លួននៅថ្ងៃទី09 ខែវិច្ឆិកា ឆ្នាំ2023 វេលាម៉ោង12h30នាទី កសាងនិតិវិធីចាត់ការតាមច្បាប់ ៕