អគ្គិភ័យឆាបឆេះផ្សារសន្តិភាព២ មួយកន្លែង ដែលស្ថិតនៅក្នុងសង្កាត់ចោមចៅទី២
ភ្នំពេញ៖ (ព័ត៌មានបឋម) មានករណីអគ្គិភ័យឆាបឆេះផ្សារសន្តិភាព២ មួយកន្លែង ដែលស្ថិតនៅក្នុងសង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ នាវេលាម៉ោង ១និង០០នាទីយប់រំលងអធ្រាត្រ ថ្ងៃទី២៨ ខែវិច្ឆិកា ឆ្នាំ២០២៣នេះ ក្រោយពីទទួលបានដំណឹងនេះភ្លាម កម្លាំងសមត្ថកិច្ចជំនាញបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានចេញរថយន្តពន្លត់អគ្គិភ័យទៅជួយអន្តរាគមន៍ផងដែរ។
រាជធានីភ្នំពេញ៖
(ព័ត៌មានលម្អិត) នៅវេលាម៉ោង ០០និង៥០ នាទីយប់អធ្រាត្រ ថ្ងៃអង្គារ៍ ១រោច ខែកត្កិត ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២៨ ខែវិច្ឆិកា ឆ្នាំ២០២៣ មានករណីអគ្គីភ័យមួយបានកន្លែងកើតឡើងនៅចំណុចផ្សារបុរីសន្តិភាព២ ផ្លូវបេតុង ភូមិដំណាក់ត្រយឹង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ម្ចាស់ទីតាំង ស្រី ចាន់ថាត ភេទ ប្រុស អាយុ ៣៨ ឆ្នាំ ជនជាតិ ខ្មែរ មុខរបរ ម្ចាស់ផ្សារ ។
– មូលហេតុ: កំពុងបន្តការស្រាវជ្រាវ ។
- ប្រភេទសំណង់: ដែកប្រក់ស័ង្កសី ទំហំ ៣២x១០០ ម៉ែត្រ។
- ខូចខាតសម្ភារៈ ឆេះតូបក្នុងផ្សារចំនួន ៤១៩ តូប អស់ទាំងស្រុង និងពុំបានឆេះរាលដាលដល់អ្នកក្បែរខាងឡើយ ។
- ស្លាប់មនុស្ស : គ្មាន ។
- របួសមនុស្ស: គ្មាន ។
+ កងកម្លាំងបង្ការពន្លត់អគ្គិភ័យនិងសង្គ្រោះ បានប្រេីប្រាស់រថយន្តការិយាល័យអគ្គិភ័យចំនួន ២០ គ្រឿង ប្រេីប្រាស់ទឹកអស់ចំនួន ២៤០ រថយន្ត ស្មើរនឹង ៩៦០ ម៉ែត្រគូប ។
+ រថយន្តជំនួយ:
- រថយន្តអគ្គិភ័យក្រុមហ៊ុនស្រាបៀរកម្ពុជាចំនួន ០១ គ្រឿង ប្រើប្រាស់ទឹកអស់ចំនួន ០២ រថយន្ត ស្មើនឹង ១២ ម៉ែត្រគូប ។
- រថយន្តអគ្គិភ័យទីក្រុងនរាចំនួន ០២ គ្រឿង ប្រើប្រាស់ទឹកអស់ចំនួន ០២ រថយន្ត ស្មើនឹង ១២ ម៉ែត្រគូប ។
- រថយន្តអគ្គិភ័យង៧០ចំនួន ០៥ គ្រឿង ប្រើប្រាស់ទឹកអស់ចំនួន ០៩ រថយន្ត ស្មើនឹង ៣៦ ម៉ែត្រគូប ។
- រថយន្តអគ្គិភ័យទីក្រុងជ្រោយចង្វារចំនួន ០៦ គ្រឿង ប្រើប្រាស់ទឹកអស់ចំនួន ០៨ រថយន្ត ស្មើនឹង ៣២ម៉ែត្រគូប ។
- ពន្លត់ចប់ : នៅវេលាម៉ោង ០៨:០០ នាទីព្រឹក នាថ្ងៃខែ ឆ្នាំដដែល។