កម្លាំងនគរបាលព្រហ្មទណ្ឌ បង្ក្រាបបានជនសង្ស័យ២នាក់ ជាមុខសញ្ញាឆក់កាបូបពីបុរសជនជាតិកូរ៉េ នៅខណ្ឌបឹងកេងកង

ភ្នំពេញ៖កម្លាំងនាយកដ្ឋាននគរបាលព្រហ្មទណ្ឌ នៅថ្ងៃទី០៦ ខែធ្នូ ឆ្នាំ២០២៣ វេលាម៉ោង២០៖៣៥នាទី បាន ចុះល្បាតតាមបណ្តោយផ្លូវលេខ៦៣ ក្នុងសង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ ក៏ប្រទះឃេីញជនសង្ស័យ ជិះម៉ូតូចំនួន០១គ្រឿង មានគ្នាចំនួន០២នាក់បានធ្វេីសកម្មភាពឆក់កាបូបស្ពាយពីបុរសរងគ្រោះ (ជាជនជាតិកូរ៉េ) ដែលកំពុងដេីរតែមិនបានសម្រេច។

ភ្លាមនោះកម្លាំងជំនាញការិយាល័យធ្វេីការប្រដេញនឹង ឃាត់ខ្លួនជនសង្ស័យបានទាំង០២នាក់ នៅចំណុចមុខក្រសួងរុក្ខាប្រម៉ាញ់នឹងនេសាទ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ មាន៖

ទី១៖ ឈ្មោះ ស៊ុង រតនៈ ភេទប្រុស អាយុ២២ឆ្នាំ ជនជាតិខ្មែរ មុខរបរមិនពិតប្រាកដ ទីកន្លែងស្នាក់នៅផ្ទះម្តុំព្រែកហូរ។
ទី២.៖ ឈ្មោះ ចិន ម៉េងហេង ភេទប្រុស អាយុ២២ឆ្នាំ ជនជាតិខ្មែរ មុខរបរមិនពិតប្រាកដ ទីកន្លែងស្នាក់នៅផ្ទះជួល ផ្លូវមិនចាំ សង្កាត់ព្រែកកំពឹស ខណ្ឌដង្កោ រាជធានីភ្នំពេញ។

សម្ភារៈដកហូតមាន ម៉ូតូហុងដាឌ្រីម ពណ៌ខ្មៅ ពាក់ស្លាកលេខ កំពង់ធំ1R-3422 (របស់ជនសង្ស័យ)។

បច្ចុប្បន្នកម្លាំងជំនាញបាននាំជនសង្ស័យខាងលេីមកនាយកដ្ឋាននគរបាលព្រហ្មទណ្ឌ ដេីម្បីធ្វេីការសាកសួរ និងកសាងសំណុំរឿងបញ្ជូនទៅអយ្យការអមសាលាដំបូងរាជធានីភ្នំពេញចាត់ការតាមនីតិវិធី៕