សង្វៀនTV5 ស្វាគមន៍អ្នកប្រដាល់ថៃ២រូប និងអ្នកប្រដាល់ឡាវមួយរូប

ភ្នំពេញ៖ថ្ងៃទី២៤ធ្នូនេះសង្វៀនTV5នឹងទទួលអ្នកប្រដាល់ថៃ២រូបនិងអ្នកប្រដាល់ឡាវមួយរូបមកសាកកណ្ដាប់ដៃជាមួយអ្នកប្រដាល់កម្ពុជា។

ថុលមករាក្លិបនាយកដ្ឋានអង្គរក្សក្រសួងមហាផ្ទៃបានត្រៀមខ្លួនរួចជាស្រេចហើយដើម្បីតតាំងជាមួយអ្នកប្រដាល់ឡាវSing Yaiដោយពួកគេប្រកួតគ្នាក្នុងប្រភេទទម្ងន់៦៣,៥០គីឡូក្រាម។

អ្នកប្រដាល់ឡាវរូបនេះទើបតែឆ្លងដែនមកប្រកួតនៅស្រុកខ្មែរជាលើកដំបូងប៉ុណ្ណោះ
ចំពោះមករាជាអ្នកប្រដាល់ចាស់វស្សាមួយរូបដែលគេបានអះអាងថាគេត្រូវតែយកឈ្នះគូប្រកួតរបស់គេឲ្យបានដាច់ខាត។

អ្នកប្រដាល់កម្ពុជាថុលមករាធ្លាប់ឆ្លងកាត់ការប្រកួតបានចំនួន៨៩ដងឈ្នះ៧១ដងចាញ់
១៦ដងស្មើពិន្ទុ២ដងព្រមទាំងធ្លាប់វាយគូប្រកួតឲ្យសន្លប់បានចំនួន២២ដង។ចំពោះSing Yaiវិញ
ក៏មានស្ថិតិប្រកួតប្រហាក់ប្រហែលមករាដែរគឺគេធ្លាប់ឡើងសង្វៀន៩០ដងឈ្នះ៦៥ចាញ់២២ដងស្មើពិន្ទុ៣ដងវាយគូប្រកួតឲ្យសន្លប់បានចំនួន១២ដង។ជំនួបនេះកម្ពុជាឬឡាវជាអ្នកខ្លាំង?
អ្នកប្រដាល់កម្ពុជាឡុង បូឡារបស់ក្លិបនាគនាំសំណាងត្រូវបានផ្គូរផ្គងឲ្យប្រកួតជាមួយ
អ្នកប្រដាល់ថៃDen Phechhitដោយប្រកួតគ្នាក្នុងប្រភេទទម្ងន់៦៣,៥០គីឡូក្រាម។

កាលពីថ្ងៃទី៣ធ្នូកន្លងមកអ្នកប្រដាល់ថៃរូបនេះបានឆ្លងដែនមកប្រកួតនៅស្រុកខ្មែរម្ដង
ហើយដោយប្រកួតចាញ់ពិន្ទុអ្នកប្រដាល់កម្ពុជាសូត្រ វាសនាក្លិបបក្សីស្លាបដែក។អ្នកប្រដាល់
ថៃរូបនេះមានប្រវត្តិប្រកួតចំនួន៩៦ដងឈ្នះ៧០ដងចាញ់២៣ដងស្មើពិន្ទុ៣ដងនិងវាយគូប្រកួតឲ្យសន្លប់បានចំនួន១២ដង។

ចំពោះឡុង បូឡាវិញធ្លាប់ឡើងសង្វៀនចំនួន៧៩ដងឈ្នះ៥៨ដងចាញ់១៥ដងស្មើពិន្ទុ
៦ដងនិងវាយគូប្រកួតឲ្យសន្លប់បានចំនួន១២ដង។Den Phechhitឆ្លងដែនមកលើកនេះអាចយក
ជ័យជំនះត្រឡប់ទៅវិញឬទេ?
ផាន់ សុផាតក្លិបSuper Fightត្រូវបានដាក់ឲ្យប្រកួតជាមួយអ្នកប្រដាល់ជើងខ្លាំងថៃTuon
Peដោយប្រកួតគ្នាក្នុងប្រភេទទម្ងន់៦០គីឡូក្រាម។
កាលពីថ្ងៃទី១២វិច្ឆិកាTuon Peបានមកប្រកួតនៅស្រុកខ្មែរម្ដងហើយដោយបានត្រឹមស្មើ
ពិន្ទុជាមួយអ្នកប្រដាល់កម្ពុជាធនតុបផេងក្លិបកងយោធពលខេមរភូមិន្ទ។

អ្នកប្រដាល់ថៃរូបនេះមានប្រវត្តិប្រកួតចំនួន១១០ដងឈ្នះ៨០ដងចាញ់២១ដងស្មើពិន្ទុ៩ដងនិងវាយគូប្រកួតឲ្យសន្លប់បានចំនួន២០ដង។
ចំពោះផាន់ សុផាតវិញមានប្រវត្តិប្រកួតចំនួន៧២ដងឈ្នះ៥០ដងចាញ់២០ដងស្មើពិន្ទុ
២ដងនិងវាយគូប្រកួតឲ្យសន្លប់បាន៨ដង។លើកនេះTuon Peប្រកាសថានឹងស្ពាយជ័យជំនះត្រ
ឡប់ទៅស្រុកវិញ។
ការប្រកួតរវាងអ្នកប្រដាល់រួមជាតិវិញនោះហុន ឈុនហេងក្លិបជ្រៃសែនជ័យខេត្តកំពង់
ស្ពឺប្រកួតជាមួយរិទ្ធី ដួងឆាយក្លិបSuper Fightក្នុងប្រភេទទម្ងន់៥៤គីឡូក្រាម។គួន សុវណ្ណក្លិបសុ
ភានូប្រកួតជាមួយធនអៀងឡុងក្លិបកងយោធពលខេមរភូមិន្ទក្នុងប្រភេទទម្ងន់៥១គីឡូក្រាម៕