មុខសញ្ញាជើងខ្លាំងម្នាក់ ខាងកាប់មិនរើសមុខ ត្រូវបានបង្ក្រាប

ឧត្តរមានជ័យ៖ ក្រោមការយកចិត្តទុកដាក់ពីសំណាក់លោកឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តឧត្តរមានជ័យ កម្លាំងនគរបាលព្រហ្មទណ្ឌ នៃអធិការដ្ឋាននគរបាលក្រុងសំរោង ដឹកដោយលោកវរសេនីយ៍ទោ សត្យា រ៉ូមេអ៊ូ បានធ្វើការឃាត់ខ្លួនមុខសញ្ញាឈ្មោះ ម៉ឹក វណ្ណ: ហៅង៉ោល ភេទប្រុស អាយុ២៣ឆ្នាំរស់នៅភូមិភ្នៀត សង្កាត់សំរោង ក្រុងសំរោង ខេត្តឧត្តរមានជ័យ ដែលតែងតែធ្វើសកម្មភាពកាប់មិនរើសមុខនៅសួនច្បារ និងទីសាធារណៈ ត្រូវបានបង្ក្រាបបន្ទាប់ពីធ្វើសកម្មភាពចុងក្រោយនៅថ្ងៃទី៤ ខែមករា ឆ្នាំ២០២៤ វេលាម៉ោង ១៩និង១៥នាទី ចំណុចផ្លូវកៅស៊ូក្រោយផ្សារស្ថិតក្នុងភូមិភ្នំផត សង្កាត់សំរោង ក្រុងសំរោង បានយកពូថៅកាប់ទៅលើជនរងគ្រោះឈ្មោះ ផាត វិសាល ភេទប្រុស អាយុ១៧ឆ្នាំ នៅភូមិជាមួយគ្នា ចំនួន ២ពូថៅ ហើយជិះម៉ូតូគេចបាត់ស្រមោល ដោយការគ្រប់គ្រងមុខសញ្ញាបានរបស់កម្លាំងជំនាញយើងបានស្រាវជ្រាវចាប់ខ្លួនមុខសញ្ញាខាងលើបញ្ជូនទៅសាលាដំបូងខេត្ត ដើម្បីផ្តន្ទាទោសតាមច្បាប់ ៕