ផាន់ គ្រាន់សាកកម្លាំងជាមួយផ្លាយ ណយ

​ភ្នំពេញ:អ្នកប្រដាល់កម្ពុជាផាន់ គ្រាន់ក្លិបពុទ្ធសេរីវង្សនឹងឡើងសង្វៀនប្រកួតជាមួយអ្នកប្រដាល់ថៃឈ្មោះផ្លាយ ណយ(Phlay Noy)លើសង្វៀនBoostrong Fighter on Fore របស់េអាស៊ីអាគ្នេយ៍ព្រឹកថ្ងៃទី៤វិច្ឆិកា ។​ផ្លាយ ណយជាអ្នកប្រដាល់ជើងខ្លាំងមួយរូប ដែលធ្លាប់ស្ពាយខ្សែក្រវាត់ពីស្រុកខ្មែរមួយហើយ ។ អ្នកប្រដាល់
ថៃរូបនេះប្រសិនបើប្រកួតក្នុងព្រឹត្តិការណ៍ខ្សែក្រវាត់ គេវ៉ៃបានល្អណាស់តែបើវ៉ៃ ជាលក្ខណៈមិត្តភាពគេហាក់ដូចជាវ៉ៃមិនសូវល្អទៅវិញ ។

​ចំពោះផាន់ គ្រាន់ទោះបីគេទាបបន្តិចក៏ពិតមែនតែគេមានផ្លែវ៉ៃល្អ ។ គេមានកណ្ដាប់ដៃធ្ងន់ ទាត់ចេញធ្ងន់មិនតែប៉ុណ្ណោះ ល្បិចរបស់គេក៏មិនអន់ដែរ ហើយគេមានកម្លាំងគ្រប់គ្រាន់ ដើម្បីប្រកួត៥ទឹកដោយគ្មានបញ្ហា ។

​អ្នកប្រដាល់កម្ពុជារូបនេះ មានប្រវត្តិប្រកួតចំនួន១២០ដង ឈ្នះ៩៨ដង ចាញ់១៩ដង និងស្មើពិន្ទុ៣ដង ។ចំពោះអ្នកប្រដាល់ថៃផ្លាយ ណយវិញគេមានប្រវត្តិប្រកួតចំនួន៨២ដង ឈ្នះ៦៥ដង ចាញ់១៦ដង និងស្មើពិន្ទុ ១ ដង ។អ្នកប្រដាល់ទាំង២រូបនេះសុទ្ធតែ ជាជើងខ្លាំងដូចគ្នា ពួកគេមានមានឱកាសឈ្នះ ដូចគ្នាតែមិនដឹងថានរណាមានសំណាងល្អនោះឡើយ ។