របូត គន្លឹះធ្លាក់កន្ទុយបុកបង្គោលភ្លើងបាក់ជ្រុលបុកចូលផ្ទះប្រជាពលរដ្ឋ
ភ្នំពេញ ៖ រថយន្តសណ្តោងរ៉ឺម៉កមួយគ្រឿង តៃកុង បើកបរខ្វះការប្រុងប្រយ័ត្ន បានរបូត គន្លឹះធ្លាក់បុកបង្គោលភ្លើងជ្រុលទៅបុកផ្ទះប្រជាពលរដ្ឋបណ្តាលអោយរងការខូចខាតយ៉ាងធ្ងន់ធ្ងរ តៃកុងបើករត់គេចខ្លួនបាត់ ទុកកន្ទុយនៅកន្លែងកើតហេតុ បង្កឲ្យមានការភ្ញាក់ផ្អើលកាលពីម៉ោងជាង១១យប់ ថ្ងៃសុក្រ ទី២ ខែវិច្ឆិកា ឆ្នាំ២០១៨ នៅបន្ទប់ជួល ភូមិ កំរៀង សង្កាត់ កន្ទោក ខណ្ឌពោធិ៍សែនជ័យ ។
ជនរងគ្រោះជាម្ចាស់បន្ទប់ ឈ្មោះ ស្រ៊ី យ៉ុង ភេទប្រុស អាយុ ៣៧ឆ្នាំ ជនជាតិខ្មែរ មុខរបរ លក់ចាប់ហួយនៅផ្ទះ ស្នាក់នៅភូម កើតហេតុខាងលើ មានស្រុកកំណើតនៅភូមិ ដងខ្តោង ឃុំ សន្តា ស្រុក លើកដែក ខេត្តកណ្ដាល ។
យោងតាមការអោយដឹងពីម្ចាស់ផ្ទះជួលបានឲ្យដឹងថានៅមុនពេលកើតហេតុគាត់កំពុងដេកនៅក្នុងបន្ទប់ជួលរបស់គាត់ ដោយមានប្រពន្ធព្រមទាំងកូនប្រុស ម្នាក់ព្រមទាំងរូបគាត់ស្រាប់តែឮសន្ធឹករថយន្តទាំងក្នុងល្បឿនយ៉ាងលឿនបន្ទាប់មករថយន្តខាងលើបាន របូតរ៉ឺម៉ក សណ្តោង ហើយកន្ទុយ រ៉ឺម៉កខាងលើ បានទៅបុកបង្គោលភ្លើងជាប់ សំយ៉ាបផ្ទះជួលគាត់ នឹងបណ្តាលឲ្យ ជ្រុលទៅបុកទ្វាបន្ទប់ជួលរបស់គាត់បណ្តាលអោយបាក់សង្កត់លើគាត់រងរបួសស្រាលចំណែកទ្វារខូចខាតទាំងស្រុង ។ អ្នកភូមិអោយដឹងថា៖ ភ្លាមៗ ក្រោយកើតហេតុនោះ តៃកុងរថយន្ត បង្កខាងលើ ឃើញបាក់បង្គោលភ្លើង នឹងផ្ទះជួល របស់គាត់ រងការខូចខាតយ៉ាងធ្ងន់ធ្ងរពេក តៃកុង រថយន្តខាងលើ បានឡើងបើករថយន្ត គេចខ្លួនបាត់ស្រមោល ដោយបន្សល់ទុក កន្ទុយរ៉ឺម៉កនៅកន្លែងកើតហេតុ។
អ្នកភូមិបន្តក្រោយពេលកើតហេតុ ជនរងគ្រោះជាម្ចាស់បន្ទប់ជួល បានប្តឹងទៅសមត្ថកិច្ចភ្លាមៗផងដែរ ហើយបានដាក់ពាក្យបណ្ដឹង រងចាំ តំណាងមកដោះស្រាយ៕
