សិស្សគុនហាប់គីដូ២៦នាក់ទទួលបានសញ្ញាប័ត្រ និងតម្លើងខ្សែក្រវ៉ាត់
ភ្នំពេញ៖ នាល្ងាចថ្ងៃទី១១ ខែវិច្ឆិកា ឆ្នាំ២០១៨នេះសហព័ន្ធខ្មែរកីឡាហាប់គីដូ បានរៀបចំការតម្លើង និងប្រគល់ខ្សែក្រវ៉ាត់ ដល់សិស្សគុនហាប់គីដូដែលឆ្លងកាត់ការប្រឡងចំនួន២៦នាក់នៅអង្គភាពកីឡា ក្រសួងមហាផ្ទៃក្នុងពហុកីឡដ្ឋានជាតិអូឡាំពិក ។
លោក គង់ ចាន់ធីណា អគ្គលេខាធិការ សហព័ន្ធកីឡាហាប់ គីដូកម្ពុជាបានមានប្រសាសន៍ថា ការប្រឡងខ្សែក្រវ៉ាត់ ប្រគល់សញ្ញាប័ណ្ណ និងលិខិតបញ្ជាក់លើកនេះមានកីឡាករ-កីឡាការិនីចំនួន២៦នាក់ ក្នុងការខ្សែក្រវ៉ាត់ពណ៌សឆ្នូត ៩នាក់ ក្នុងនោះមានកីឡាការិនីមួយម្នាក់។
លោកបានបន្តថា ការប្រគល់ជូនសញ្ញាប័ណ្ណដល់កីឡាករ-កីឡាការិនី៣នាក់ ក្នុងនោះមានកីឡាការិនីម្នាក់នាក់ និងចេញលិខិតបញ្ជាក់ចំនួន១៤នាក់ ក្នុងនោះមានកីឡាការិនី៥នាក់ ។លោកអបអរកីឡាករ-កីឡាការនី ទាំងអស់ ដែលបានខំប្រឹងអស់ ពីកម្លាំងកាយចិត្ត ក្នុងការប្រឡងលើកម្រិត ខ្សែក្រវ៉ាត់របស់ខ្លួន និងប្រគល់សញ្ញាប័ណ្ណ និងលិខិតបញ្ជាក់៕
