ព្រឹទ្ធភិរម្យវោហាសាស្រ្ត ប្រាជ្ញ ឈួន បានមរណភាព ក្នុងព្រះជន្ម៨២ឆ្នាំ
ភ្នំពេញ៖ សមាគមធម្មកថិកកម្ពុជា បានប្រកាសថា សូមមេត្តាជ្រាបថា លោកតា ព្រឹទ្ធភិរម្យវោហាសាស្រ្ត ប្រាជ្ញ ឈួន បានមរណភាព នៅថៃ្ងសៅរ៍ ទី១៧ ខែវិច្ឆិកា ឆ្នាំ២០១៨ វេលាម៉ោង ១:៣០នាទីយប់ ក្នុងព្រះជន្ម៨២ឆ្នាំ ហើយសពបានយកមកតម្កល់ទុក នៅសាលាធម្មសភាវត្តបទុមវតី សង្កាត់ចតុមុខ ខណ្ឌដូនពេញ រាជធានីភ្នំពេញ ដើម្បីប្រារព្ធធើ្វបុណ្យតាមប្រពៃណីព្រះពុទ្ធសាសនា ក្រោមការឧបត្ថម្ភរបស់សម្តេចព្រះមហាសុមេធាធិបតី សម្តេចព្រះសង្ឃនាយក នៃព្រះរាជាណាចក្រកម្ពុជា និងជាសម្តេចព្រះចៅអធិការ វត្តបទុមវតីរាជវរារាម។
សមាគមមិត្តសិល្បៈស្ម័គ្រចិត្តជួយសង្គម បានសម្តែងនូវការ រន្ធត់ណាស់ ហើយចូលរួមសោកស្ដាយយ៉ាងពន់ពេក ចំពោះលោកតា ប្រាជ្ញឈួន ដែលបានលាចាកលោកនេះហើយ។ ការបាត់បង់វីរសិល្បករចាប៉ីដងវែង ជាការបាត់បង់របស់ខ្មែរទាំងមូល ពីថ្ងៃនេះ ទៅយើងលែងបានឃើញលោកតាទៀតហើយ៕
