អាជ្ញាធរមីន បានប្រកាសពីវឌ្ឍនភាពជា ដៃគូអភិវឌ្ឍន៍ ស្ថានភាពសកម្មភាពមីននៅកម្ពុជាខណៈខ្លួនជាប្រធានម្ចាស់ផ្ទះនៃកិច្ចប្រជុំ កំពូលសៀមរាប-អង្គរ
ភ្នំពេញ៖អាជ្ញាធរមីនកម្ពុជា បានប្រកាសពីវឌ្ឍនភាពជាដៃគូអភិវឌ្ឍន៍ ស្ថានភាពសកម្មភាពមីននៅកម្ពុជាខណៈខ្លួន ត្រូវបានធ្វើជាប្រធានម្ចាស់ផ្ទះនៃកិច្ចប្រជុំត្រួតពិនិត្យឡើងវិញលើកទី៥ នៃអនុសញ្ញាអូតាវ៉ាប្រសិទ្ធនាមជា(កិច្ចប្រជុំកំពូលសៀមរាប-អង្គរ ស្តីពី ពិភពលោកមួយដែលគ្មានមីន )
ឯកឧត្ដមទេសរដ្ឋមន្ដ្រី លី ធុជ បានបញ្ជាក់ឱ្យដឹងបែបនេះ ខណៈឯកឧត្ដមចូលរួម ក្នុងកិច្ចប្រជុំជាមួយសហដៃគូអភិវឌ្ឍន៏ សកម្មភាពមីន ស្ថានទូតចក្រភពអង់គ្លេសប្រចាំនៅព្រះរាជា ណាចក្រកម្ពុជា កាលពីរសៀលថ្ងៃទី០៦ ខែមិថិនា ឆ្នាំ២០២៤ ស្ថិតនៅ សាកលវិទ្យាល័យ De Montfort កោះពេជ្ររាជធានីភ្នំពេញ និងមានការចូលរួមពីឯកអគ្គរដ្ឋទូត តំណាង ស្ថានទូត ដៃគូអភិវឌ្ឍន៍ និងអង្គការក្រៅរដ្ឋាភិបាលផងដែរ ។
ឯកឧត្តមបណ្ឌិត លី ធុជ ទេសរដ្ឋមន្រ្តី និងជាអនុប្រធានទី១ អាជ្ញាធរមីន បានលើកតឡើងថា៖ រាជរដ្ឋាភិបាល កម្ពុជា ក្រោមការដឹកនាំប្រកបដោយចក្ខុវិស័យ វែង ឆ្ងាយរបស់ សម្តេច អគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តី និង សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រ កម្ពុជា បាននិង កំពុង ខិតខំ ប្រឹងប្រែងឥតឈប់ឈរក្នុង កិច្ចការបោសសម្អាត មីន និង សំណល់ ជាតិ ផ្ទុះពីសង្រ្គាម ដើម្បីការពារអាយុជីវិត ប្រជាពលរដ្ឋ និងរួមចំណែកការអភិវឌ្ឍសេដ្ឋកិច្ច-សង្គម ព្រមទាំងបានចាត់ទុកវិស័យសកម្មភាពមីន ជាផែនការអាទិភាពនិងដាក់បញ្ចូលជាធាតុមួយយ៉ាងសំខាន់ ក្នុងផែនការ យុទ្ធសាស្រ្ត អភិវឌ្ឍន៍ជាតិសំខាន់ៗ របស់ រាជរដ្ឋាភិបាល កម្ពុជា នៅគ្រប់អាណត្តិ ។
រយៈពេលជាង៣០ ឆ្នាំចាប់ពីឆ្នាំ១៩៩២ ផ្ទៃដីមាន មីន និង សំណល់ ជាតិ ផ្ទុះពីសង្រ្គាមចំនួន៣០២៤ គីឡូម៉ែត្រ ការ៉េ ត្រូវបាន បោសសម្អាតរួច ក្នុងនោះរាជធានី-ខេត្ត ចំនួន ១៥ ត្រូវបានប្រកាស អស់មីន ហើយគ្រាប់មីន /យុទ្ធភណ្ឌ មិនទាន់ផ្ទុះរាប់លានគ្រាប់ត្រូវបានរកឃើញ និងកំទេចចោល ។ ចំនួនជនរងគ្រោះបានកាត់បន្ថយ ពី៤៣២០នាក់ ក្នុងឆ្នាំ ១៩៩៦ មកត្រឹម ៣២ នាក់ ក្នុងឆ្នាំ២០២៣ និងក្រោម ១០០នាក់ ក្នុង មួយឆ្នាំជាមធ្យមរយៈពេលជា ង ១០ឆ្នាំ កន្លង មក នេះ។
ក្នុងនាមតំណាងឱ្យសម្តេចធិបតីនាយករដ្ឋមន្រ្តី និង ជា ប្រធានអាជ្ញាធរមីន ឯកឧត្តមបណ្ឌិតលី ធុជ បានអរគុណចំពោះ ប្រទេសជាមិត្ត និងដៃគូអភិវឌ្ឍន៍ រួមមាន អូស្ត្រាលី អូទ្រីស បែលហ្សិក កាណាដា ចិន ដាណឺម៉ាក បារាំង អាល្លឺម៉ង់ ហុងគ្រី ឥណ្ឌា អៀរឡង់ ជប៉ុន ហូឡង់ នូវែលសេឡង់ ន័រវែស សាធារណរដ្ឋកូរ៉េ អេស្ប៉ាញ ស៊ុយអែត ស្វីស ចក្រភពអង់គ្លេស សហរដ្ឋអាមេរិក និង សហភាពអឺរ៉ុប ក្នុងចំណោមប្រទេសដទៃទៀត អង្គការសហប្រជាជាតិ កម្មវិធី អភិវឌ្ឍន៍ អង្គការសហប្រជាជាតិ និងដៃគូអភិវឌ្ឍន៍ សំខាន់ ៗដទៃទៀតដែលបានរួមចំណែកដល់ សកម្មភាព មនុស្សធម៌នៅ កម្ពុជា ។
ឯកឧត្តមបណ្ឌិត លី ធុជ បានបញ្ជាក់ថា នៅខែវិច្ឆិកា ឆ្នាំ២០២៣កន្លងទៅនេះកម្ពុជាត្រូវបានជ្រើសរើសជាប្រធាន និងជាម្ចាស់ផ្ទះនៃកិច្ចប្រជុំត្រួតពិនិត្យឡើងវិញលើកទី៥ នៃអនុសញ្ញាអូតាវ៉ា ប្រសិទ្ធនាមជា(កិច្ចប្រជុំកំពូល សៀមរាប-អង្គរ ស្តីពីពិភពលោកមួយដែលគ្មានមីន) ដែលជាប្រវត្តិសាស្ត្រ ដំបូងគេសម្រាប់ប្រទេសក្នុងតំបន់អាស៊ីដែលនឹងប្រព្រឹត្តទៅពីថ្ងៃទី២៥ ដល់ថ្ងៃទី២៩ ខែវិច្ឆិកា ឆ្នាំ២០២៤ នៅក្នុងខេត្តសៀមរាប។ ក្នុង នាមកម្ពុជាជាប្រធាននិងជាម្ចាស់ផ្ទះ នៃកិច្ចប្រជុំ កំពូលសៀមរាប-អង្គរ កម្ពុជាបានប្តេជ្ញា ចិត្ត ចំពោះ អាទិភាពសំខាន់ៗ ចំនួនបីរួមមានការធ្វើសកលភាវូបនីយកម្មនៃអនុសញ្ញាការបោសសម្អាតមីននិងកិច្ចសង្រ្គោះ ជនរងគ្រោះដោយសារមីន ។
រយៈពេល ជាង៦ ខែនៃភាពជាប្រធានកម្ពុជាបានដឹកនាំកិច្ច ប្រជុំ សំខាន់ៗ នៃ គណៈកម្មការ របស់អនុសញ្ញាអូតាវ៉ា ដើម្បីជំរុញសកលភាវូបនីយកម្ម លើកកម្ពស់បទដ្ឋាន អនុសញ្ញា និងការកៀរគរ ធនធានដើម្បីគាំទ្រដល់ការអនុវត្តគោលបំណងរបស់ អនុសញ្ញា។ សម្រាប់សកម្មភាពសកលភាវូបនីយកម្ម កម្ពុជាបានកំណត់ គោលដៅប្រទេស ចំនួន០៤រួមមានឡាវតុងហ្កា មីក្រូណេស៊ី និងកោះម៉ាស្យល ដើម្បីកៀរគរឱ្យចូលរួមជារដ្ឋភាគីនៃអនុសញ្ញា ឆ្នាំ២០២៤ ហើយ កម្ពុជាបានធ្វើឡើងតាមរយៈ ជំនួបទ្វេភាគីទំនាក់ទំនង ការ ទូត កំណត់ទូត វេទិកាកោះប៉ាស៊ីហ្វិកនិងកិច្ចប្រជុំ ពាក់ព័ន្ធជាដើម។
ជាមួយ គ្នានេះដោយមានការគាំទ្រពី អង្គភាពគាំទ្រការអនុវត្តអនុសញ្ញានិងធាតុចូលពីគណៈកម្មការនានានៃអនុសញ្ញានេះ កម្ពុជា បានរៀបចំសេចក្តីព្រាង នៃឯកសារពិនិត្យឡើងវិញផែនការសកម្មភាពទីក្រុងអូស្លូ២០២០- ២០២៤ដើម្បីផ្សព្វផ្សាយដល់រដ្ឋភាគី។ កម្ពុជាបានដឹកនាំការចាប់ផ្តើមដំណើរការរៀបចំ ឯកសារផែនការសកម្មភាពសៀមរាប-អង្គរ ២០២៥-២០២៩ និងសេចក្តីថ្លែងការណ៍នយោបាយ សម្រាប់ រដ្ឋភាគីផងដែរ។ឯកឧត្តមបណ្ឌិត លី ធុជ ក្នុងនាមជាប្រធានអនុសញ្ញាអូតាវ៉ាឆ្នាំ២០២៤នៅពាក់កណ្ដាល់ខែមិថុនានេះ នឹងដឹកនាំកិច្ចប្រជុំពាក់កណ្តាលអាណត្តិ (Intersessional Meetings) និងកិច្ចប្រជុំត្រៀមលើកទី១នៃកិច្ចប្រជុំកំពូលសៀមរាប-អង្គរ ដើម្បីពិភាក្សាពីឯកសារសំខាន់ៗទាំងបីខាងលើ ដែលនឹងត្រូវដាក់ជូនការិយាល័យកណ្តាលអង្គការសហប្រជាជាតិនៅទីក្រុងញូវយ៉កនៅដើមខែតុលាឆ្នាំ២០២៤។ ដោយឡែក ក្នុងតួនាទីជាម្ចាស់ផ្ទះរៀបចំកិច្ចប្រជុំកំពូលសម្ដេចធិបតីនាយករដ្ឋមន្ត្រី បានបង្កើតឱ្យមានគណៈកម្មការអន្តរក្រសួង ដើម្បីដឹកនាំគ្រប់គ្រងនិងសម្របសម្រួលព្រឹត្តិការណ៍នេះ ហើយគណៈកម្មការអន្តរក្រសួងនេះ មានអនុគណៈកម្មការ និងលេខាធិ ការដ្ឋានជាជំនួយការ ។ កម្ពុជាបាននិងកំពុង រៀបចំយ៉ាងហ្មត់ចត់ និងគ្រប់ជ្រុងជ្រោយក្នុងទទួលបដិសណ្ឋារកិច្ច គណៈប្រតិភូមកពីជុំវិញពិភពលោកនិងដំណើរការនៃកិច្ចប្រជុំកំពូលកិច្ចប្រជុំពាក់ព័ន្ធ និងព្រឹត្តិការណ៍ផ្សេងៗ នាខែវិច្ឆិកាខាងមុខនេះ ៕
ដោយ សំរិត