អ្នកបេីកបររថយន្ត ម៉ាកToyota Raize មួយគ្រឿងបុករះម៉ូតូកង់បីឥណ្ឌាចំនួន២គ្រឿងក្រឡាប់ផ្ងាជើង រួចបន្តទៅបុកជាមួយរថយន្ត ២គ្រឿងទៀតរបួសមនុស្សម្នាក់
ភ្នំពេញ៖បុរសម្នាក់បានបេីកបររថយន្ត មួយគ្រឿង ម៉ាក Toyota Raize បុករះម៉ូតូកង់ឥណ្ឌាចំនួន០២គ្រឿង រួចបន្តទៅបុកជាមួយរថយន្ត មួយគ្រឿង ម៉ាក Lexus RX300 ហេីយក៏បន្តទៅបុកនឹងរថយន្ត មួយគ្រឿងទៀត ម៉ាក Toyota Prius បណ្តាលឲ្យរងការខូចខាត និងបានបណ្តាលឲ្យមនុស្សម្នាក់បានរងរបួសក្នុងគ្រោះថ្នាក់ចរាចរណ៍ខាងលេីនេះ។
សមត្ថកិច្ចឱ្យដឹងថា៖ហេតុុការណ៍គ្រោះថ្នាក់ចរាចរណ៍នេះបានកេីតឡេីងនៅវេលាម៉ោង ៤និង៤០នាទីល្ងាច ថ្ងៃទី៣០ ខែកក្កដា ឆ្នាំ២០២៤ ដែលស្ថិតនៅចំណុចផ្លូវ៣៥៥ ក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ។
ក្រោយកេីតហេតុ កម្លាំងសមត្ថកិច្ចជំនាញមូលដ្ឋានបានចុះមកដល់ទីតាំងកេីតហេតុ និងបានឲ្យភាគីបង្កធ្វេីការដោះស្រាយជាមួយភាគីរងគ្រោះផងដែរ៕