បុរសម្នាក់ជិះម៉ូតូ HONDA Beat យ៉ាងលឿនបុកធុងសំរាមដួលចូលក្រោមរថយន្ដសណ្ដោងរម៉កដឹកទូកុងតឺន័រម្ចាស់ម៉ូតូរងរបួសធ្ងន់
ភ្នំពេញ៖បុរសម្នាក់ជិះម៉ូតូ HONDA Beat ពាក់ស្លាកលេខ ភ្នំពេញ 1IJ-0923 ជិះក្នុងល្បឿនលឿនបុកធុងសំរាមដួលចូលក្រោមរថយន្ដសណ្ដោងរម៉កដឹកទូកុងតឺន័រ ពាក់ស្លាកលេខ ភ្នំពេញ 2E-6025 ដែលចតចោលនៅលេីផ្លូវបណ្ដាលបុរសជាម្ចាស់ម៉ូតូរងរបួសធ្ងន់បញ្ជូនទៅមន្ទីរពេទ្យ។
សមត្ថកិច្ចឱ្យដឹងថា៖ហេតុការណ៍នេះបានកេីតឡេីងកាលពីវេលាម៉ោង៤:៣០នាទីទៀបភ្លឺ ថ្ងៃទី០៧ ខែសីហា ឆ្នាំ២០២៤ ស្ថិតតាមបណ្ដោយផ្លូវភ្នំពេញហាណូយ សង្កាត់ឃ្មួញ ខណ្ឌសែនសុខ រាជធានីភ្នំពេញ។
ក្រោយពេលកេីតហេតុសមត្ថកិច្ចជំនាញចរាចរណ៍ផ្លូវគោកនៃអធិការដ្ឋាននគរបាលខណ្ឌសែនសុខចុះមកធ្វើការវាស់វែងយករថយន្ដ និងម៉ូតូទៅរក្សាទុករង់ចាំការដោះស្រាយនៅពេលក្រោយ៕