ចៅសង្កាត់២ថ្លែងអំណរគុណ យ៉ាងជ្រាលជ្រៅ ដល់សប្បុរសជន ជួយឧបត្ថម្ភថវិកា ដល់ក្រុមការងារការពារគោលដៅ នៅគល់ស្ពានព្រះមុនីវង្សចាស់

ភ្នំពេញៈ នៅព្រឹកថ្ងៃទី២៥ខែវិច្ឆិកាឆ្នាំ២០១៨នេះលោកពៅ ហួត ចៅសង្កាត់ច្បារអំពៅទី១ និង លោកយ៊ិន វុធ ចៅសង្កាត់ច្បារអំពៅទី២ ព្រមទាំងក្រុមការងារកម្លាំងចម្រុះ ឈរជើងនៅគោលដៅស្ពានព្រះមុនីវង្សចាស់ នាត្រើយខាងកើត ក្នុងមូលដ្ឋានខណ្ឌច្បារអំពៅ បានថ្លែងអំណរអរគុណ យ៉ាងជ្រាលជ្រៅ ជូនចំពោះលោកឧកញ៉ាអ៊ូ ឆាយ និង លោកជំទាវព្រមទាំងក្រុមគ្រួសារ ដែលជានិច្ចកាលតែងតែ ជួយឧបត្ថម្ភជាថវិកា ភេសជ្ជៈ និងសម្ភារៈប្រើប្រាស់ ជាច្រើនសន្ធឹកសន្ធាប់ ដល់កម្លាំងចម្រុះនៃក្រុមការងារឈរជើង ការពារនូវគោលដៅ ស្ពានព្រះមុនីវង្សចាស់ ដែលបានរក្សាការពារនូវសន្តិសុខ សណ្ដាប់ធ្នាប់ជូន ដល់បងប្អូនប្រជាជនមកពីបណ្ដា ខេត្តក្រុងនានាមកដើរលេង កម្សាន្តពិធីបុណ្យអ៊ំទូក(ង)នៅរាជធានីភ្នំពេញ រយះពេល៣ថ្ងៃចាប់ពីថ្ងៃទី២១ . ២២ និង ២៣ខែវិច្ឆិកាឆ្នាំ២០១៨នេះ ប្រកបដោយបរិយាកាសសប្បាយរីករាយ។

លោកចៅសង្កាត់ទាំងពីររូបបានបញ្ជាក់ថា ការជួយឧបត្ថម្ភខាងលើ គឺជាការលើក ទឹកចិត្តដល់អាជ្ញាធរ និងក្រុមការងារទាំងមូល និងជាការផ្សារភ្ជាប់គ្នានៅក្នុងមូលដ្ឋាន៕