កងទ័ពដាក់ពង្រាយនៅតាមផ្លូវទៅប៉ារីស? រូបភាពនិងវីឌីអូ នៃរថយន្តពាសដែករបស់បារាំង បានផុសឡើងលើបណ្តាញសង្គម

រូបថតនិងវីឌីអូរបស់រថយន្តពាសដែក ដែលត្រូវបានគេចោទប្រកាន់ថា កំពុងធ្វើដំណើរទៅកាន់ទីក្រុងប៉ារីស ដើម្បីដាក់ពង្រាយ ក្នុងអំឡុងពេលការតវ៉ា កាលពីថ្ងៃសៅរ៍។

ទោះបីជារដ្ឋាភិបាល បានទម្លាក់ពន្ធលើឥន្ធនៈ ទៅលើការតវ៉ាដ៏ធំមួយកាលពីសប្តាហ៍មុន ក៏ដោយក៏អាវលឿង នៅតែបន្តនៅថ្ងៃទី 8 ខែធ្នូដដែល។

នៅល្ងាចថ្ងៃព្រហស្បតិ៍ នាយករដ្ឋមន្រ្តីលោក Edouard Philippe បានសន្យាថា មន្រ្តីបន្ថែម 8,000 នាក់នៅប៉ារីស និង 89,000 នាក់នៅទូទាំងប្រទេស ដែលនឹងត្រូវដាក់ពង្រាយក្នុងអំឡុងបាតុករ។ លោកក៏បានប្រកាសផងដែរថា “រថពាសដែកជាច្រើនគ្រឿង” ដែលជាកម្មសិទ្ធរបស់កងរាជអាវុធហត្ថបារាំង នឹងត្រូវធ្វើដំណើរនៅតាមដងផ្លូវ នៃទីក្រុងនៃពន្លឺ។

ភ្លាមៗបន្ទាប់ពីសេចក្តីថ្លែងរបស់លោក Philippe មនុស្សនៅលើ Twitter បានចាប់ផ្តើមបង្ហោះរូបភាព និងវីដេអូ ដែលមិនបានបញ្ជាក់អះអាងអំពីរថពាសដែក ដែលពួកគេអះអាងថា កំពុងធ្វើដំណើរទៅកាន់រដ្ឋធានី។ មនុស្សម្នាក់បានសរសេរថា: «កងទ័ពបានមកដល់ប៉ារីស។

កងរាជអាវុធហត្ថ ជាកងកម្លាំងប្រដាប់អាវុធយោធា ដែលធ្វើការក្រោមយុត្តាធិការរបស់ក្រសួងមហាផ្ទៃ និងក្រសួងការពារជាតិ។ ប្រភេទនៃការដាក់ពង្រាយនេះ មិនបានកើតឡើងទេ ចាប់តាំងពីកុប្បកម្មផ្ទុះឡើង នៅតំបន់ជាយក្រុងប៉ារីស នៅឆ្នាំ 2005 ។

ប្រទេសបារាំងនៅតែងើបឡើងវិញប ន្ទាប់ពីការប៉ះទង្គិចគ្នា ដោយហិង្សា កាលពីថ្ងៃទី 1 ខែធ្នូ បានបណ្តាលឱ្យមនុស្ស 130 នាក់ និងជាង 400 នាក់ត្រូវចាប់ខ្លួន។ មនុស្សបួននាក់រួមទាំងស្រ្តីវ័យចំណាស់ម្នាក់ត្រូវបានសម្លាប់។

នៅថ្ងៃសៅរ៍ពាក្យស្លោកពណ៌លឿងគឺជា “ពាក្យស្លោក” ដែលយើងស្ថិតនៅលើផ្លូវរបស់យើង។ មេដឹកនាំចលនាម្នាក់គឺលោក Eric Drouet ថែមទាំងបានសន្យាថា នឹងទៅវិមាន Elysee ដែលជាទីលំនៅជាផ្លូវការរបស់ប្រធានាធិបតី Emmanuel Macron ។

របាយការណ៍មួយចំនួន នៅក្នុងប្រព័ន្ធផ្សព្វផ្សាយបារាំង បានអះអាងថា អាជ្ញាធរមានការព្រួយបារម្ភ អំពីការប៉ុនប៉ងធ្វើរដ្ឋប្រហារ។ មានការអំពាវនាវ ដើម្បីវាយប្រហារសមាជិកសភាមន្រ្តីរដ្ឋាភិបាលនិងប៉ូលីស។