អំពាវនាវឲ្យប្រជាពលរដ្ឋមកធ្វើប្រហុក ផ្អក ទុកបរិភោគទាន់រដូវត្រីត្រូវ

ភ្នំពេញ៖ រដ្ឋបាលជលផល នៃក្រសួងកសិកម្ម រុក្ខា ប្រមាញ់ និងនេសាទ បានចេញសេចក្តីជូនដំណឹងមួយ ជម្រាបដល់ប្រជាពលរដ្ឋដែលមានបំណងធ្វើប្រហុក ផ្អក ទុកបរិភោគសូមអញ្ជើញមកធ្វើប្រហុក ផ្អក នៅរដូវត្រីត្រូវ ចាប់ពីថ្ងៃទី១៤ ដល់ ២០ ខែធ្នូ ឆ្នាំ២០១៨។
រដ្ឋបាលជលផល តាមរយៈសេចក្តីជូនដំណឹងនេះ ចាត់ទុកជាការអញ្ជើញដល់បងប្អូនប្រជាពលរដ្ឋ ដែលមានបំណងធ្វើប្រហុក ផ្អក ត្រីឆ្អើរ ។ល។ សម្រាប់ទុកបរិភោគប្រចាំថ្ងៃ មេត្តាអញ្ជើញមកទិញត្រីក្នុងខែមិគសិរនេះ ឲ្យបានរួសរាន់ តាមពេលវេលានិងទីកន្លែង ។