រថយន្ត៤គ្រឿង និងម៉ូតូមួយគ្រឿង បុកគ្នាបន្ត រងការខូតខាតធ្ងន់ធ្ងរ

ព្រះសីហនុ៖ សមត្ថកិច្ចឲ្យដឹងថា គ្រោះថ្នាក់ចរាចរ រថយន្ត៤គ្រឿងនិងម៉ូតូមួយគ្រឿងបុកគ្នាបន្តបន្ទាប់ នៅតាមផ្លូវ ចុះទៅវត្តអូរត្រេះ ផ្លូវបំបែកពីផ្លូវជាតិលេខ៤ កាលពីម៉ោង៨ព្រឹក ថ្ងៃ១៣ ធ្នូ ២០១៨ ។

មន្ត្រីនគរបាលចរាចរណ៍ បានបញ្ជាក់ថា មូលហេតុ គឺបង្កដំបូងពីរថយន្តបែនដឹកដី បើកជ្រុលទៅបុកប៉ះរថយន្ត និងម៉ូតូ ដែលកំពុងធ្វើចរាចរណ៍ក្បែរគ្នា បណ្តាលឲ្យរថយន្តដឹកដីក្រឡាប់បះជើង រថយន្តឡង់គ្រីស័រ បែកគូទនិងខ្ទេចមុខ ឯរថយន្តឡិចស៊ីលរងការខូតខាតបែកកញ្ចក់ បែកគូទ ធ្លាក់ចេញពីផ្លូវទៅក្នុងស្រែ ចំណែកម៉ូតូមួយគ្រឿង ត្រូវរថយន្តកិនខ្ទេចស្ទើរទាំងស្រុង ហើយរថយន្តវីហ្គោ ខូតផ្នែកខាងក្រោយ ហើយហេតុការណ៍នេះ បណ្តាលឲ្យមនុស្ស២នាក់រងរបួស។ ករណីនេះ នគរបាលកំពុងបន្តនីតិវិធី ដោះស្រាយតាមផ្លូវច្បាប់៕